ഓക്ക്ലാൻഡ് • ന്യൂസിലന്‍ഡില്‍ ചൊവ്വാഴ്ച പുതിയ കോവിഡ് 19 കേസ് റിപ്പോര്‍ട്ട് ചെയ്തു. ഇതോടെ രാജ്യത്ത് സജീവമായ കേസുകളുടെ എണ്ണം 22 ആയി. എല്ലാവരും ഐസൊലേഷനിലോ ക്വാറന്റൈന്‍ സൗകര്യങ്ങളിലോ ആണെന്ന് ആരോഗ്യമന്ത്രാലയം അറിയിച്ചു.
രാജ്യത്ത് 102 ദിവസത്തിന് ശേഷമാണ് കോവിഡ് 19 റിപ്പോര്‍ട്ട് ചെയ്യുന്നത്. ഓസ്‌ട്രേലിയയിലെ മെൽബണിൽ നിന്ന് ജൂലൈ 30 ന് ന്യൂസിലൻഡിൽ എത്തിയ ഇരുപതുകാരനായ ഒരാളാണ് ചൊവ്വാഴ്ചത്തെ കേസ് എന്ന് ഹെൽത്ത് ഡയറക്ടർ ജനറൽ ആഷ്‌ലി ബ്ലൂംഫീൽഡ് പത്രസമ്മേളനത്തിൽ പറഞ്ഞു.
വന്ന ശേഷം യുവാവ് ഐസോലെഷനിലായിരുന്നു. മൂന്നാം ദിവസം നടത്തിയ പരിശോധനയില്‍ കോവിഡ് നെഗറ്റീവായിരുന്നു. എന്നാല്‍ 12 ആം ദിവസം പോസിറ്റീവായി. തുടര്‍ന്ന് ഓക്ക്ലാൻഡ് ക്വാറന്റൈന്‍ സെന്ററിലേക്ക് മാറ്റിയതായും ബ്ലൂംഫീൽഡ് പറഞ്ഞു.
ഈ കേസോടെ ന്യൂസിലാന്റിലെ സ്ഥിരീകരിച്ച കേസുകളുടെ എണ്ണം 1,220 ആയി. ഇവരാരും ആശുപത്രി തലത്തിലുള്ള പരിചരണം സ്വീകരിക്കുന്നില്ലെന്നും അദ്ദേഹം പറഞ്ഞു.
വെല്ലുവിളി നിറഞ്ഞ സാഹചര്യങ്ങളിൽ ആരോഗ്യ സേവനങ്ങൾ തുടർന്നും നൽകിയ ആരോഗ്യ പ്രവര്‍ത്തകര്‍ക്ക് ബ്ലൂംഫീൽഡ് നന്ദി പറഞ്ഞു.
ഒരു കോവിഡ് -19 രോഗപ്രതിരോധ പരിപാടി ആരോഗ്യ മന്ത്രാലയം പദ്ധതിയിടുന്നതായും അദ്ദേഹം പറഞ്ഞു.
Post Your Comments