ആന്റിജൻ ടെസ്റ്റിൽ പൊലീസ് ഉദ്യോഗസ്ഥന് കൊവിഡ് ; പത്തനംതിട്ടയിൽ ആശങ്ക

പത്തനംതിട്ട : പത്തനംതിട്ടയിൽ ഒരു പൊലീസ് ഉദ്യോഗസ്ഥന് കൂടി കൊവിഡ് സ്ഥിരീകരിച്ചിരിക്കുയാണ്.  ചിറ്റാർ പൊലീസ് സ്റ്റേഷനിലെ സിവിൽ പൊലീസ് ഉദ്യേഗസ്ഥനാണ് രോഗം സ്ഥിരീകരിച്ചിരിക്കുന്നത്. ആന്റിജൻ ടെസ്റ്റിലാണ് ഉദ്യോഗസ്ഥന് രോഗം കണ്ടെത്തിയത്.

ഇതോടെ പത്തനംതിട്ടയിൽ സ്ഥിതി ഗുരുതരമാകുകയാണ്. ഇന്നലെ മാത്രം ജില്ലയിൽ 87 പേർക്കാണ് രോഗം സ്ഥിരീകരിച്ചത്. ജില്ലയിൽ ഇതുവരെ സ്ഥിരീകരിച്ചതിൽ ഏറ്റവും ഉയർന്ന കണകാണിത്.

ഇതിൽ 51 പേർക്ക് രോഗം സമ്പർക്കത്തിലൂടെയാണ് പിടിപെട്ടിരിക്കുന്നത്. കൂടാതെ 5 പേരുടെ ഉറവിടം അവ്യക്തമാണ്. ഒരു ആരോഗ്യ പ്രവർത്തകനും കൊവിഡ് സ്ഥിരീകരിച്ചിട്ടുണ്ട്.രോഗം സ്ഥിരീകരിച്ചതിൽ 22 പേർ വിദേശത്ത് നിന്നെത്തിയവരുംഎത്തിയവരും എട്ട് പേർ ഇതര സംസ്ഥാനങ്ങളിൽ നിന്നെത്തിയവരുമാണ്.