റാഞ്ചി • ഝാര്‍ഖണ്ഡില്‍ പ്രാദേശിക ബി.ജെ.പി നേതാവ് വെടിയേറ്റ്‌ മരിച്ചു. ലതേഹര്‍ ജില്ലയിലെ ചത്ര എം.പിയുടെ പ്രതിനിധിയായിരുന്ന ജയവര്‍ധന്‍ സിങ്ങാണ് കൊല്ലപ്പെട്ടത്.
ഞായറാഴ്ച, ലതേഹര്‍ ജില്ലയിലെ ബാരവാഹ്ദി പൊലീസ് സ്റ്റേഷന്‍ പരിധിയിലെ മാര്‍ക്കറ്റില്‍ വെച്ചാണ് അജ്ഞാതര്‍ വെടിവെച്ചത്. നാട്ടുകാര്‍ പ്രതികളെ പിന്തുടര്‍ന്നെങ്കിലും രക്ഷപ്പെട്ടു. കഴുത്തിന് വെടിയേറ്റ സിങ് സംഭവസ്ഥലത്തുവെച്ച്‌ തന്നെ മരിച്ചതായി ലതേഹര്‍ പൊലീസ് സൂപ്രണ്ട് പ്രശാന്ത് ആനന്ദ് പറഞ്ഞു.
സംഭവത്തില്‍ പോലീസ് അന്വേഷണം നടന്നുവരുന്നു. കോണ്‍ട്രാക്ടറായ സിങ്ങിനോട് പ്രദേശത്തെ ഗുണ്ടാ സംഘങ്ങള്‍ക്ക് പകയുണ്ടായിരുന്നതായി പോലീസ് പറഞ്ഞു. ഇത് കേന്ദ്രീകരിച്ചാണ് അന്വേഷണം പുരോഗമിക്കുന്നത്.
Post Your Comments