മസ്ക്കറ്റ് : ഒമാനിൽ ഇന്ന് 745 പേർക്ക് കൂടി കൊറോണ വൈറസ് സ്ഥിരീകരിച്ചു. ഇതോടെ രാജ്യത്തെ മൊത്തം കോവിഡ് രോഗ ബാധിതരുടെ എണ്ണം 25269 ആയി. ഇന്ന് രോഗം സ്ഥിരീകരിച്ചവരിൽ 377 പേര്‍ ഒമാൻ സ്വദേശികളും 368 പേർ വിദേശികളുമാണ്.
അതേസമയം വൈറസ് ബാധിച്ച് ഇന്ന് ആറ് പേരാണ് മരിച്ചത്. ഇതോടെ രാജ്യത്ത് മരിച്ചവരുടെ എണ്ണം 114 ആയിരിക്കുകയാണ്. 14066 പേരാണ് നിലവിൽ അസുഖബാധിതരായിട്ടുള്ളത്. 56 പേരെ കൂടി പ്രവേശിപ്പിച്ചതോടെ ആശുപത്രിയിൽ ചികിത്സയിലുള്ളവരുടെ എണ്ണം 327 ആയി. തീവ്ര പരിചരണ വിഭാഗത്തിൽ 105 പേരാണുള്ളത്.11089 പേരാണ് ഇതുവരെ രാജ്യത്ത് രോഗമുക്തി നേടിയതെന്നും ഒമാൻ ആരോഗ്യ മന്ത്രാലയം ഇന്ന് പുറത്തിറക്കിയ വാർത്തകുറിപ്പിൽ പറയുന്നു.
Post Your Comments