ലോകമെങ്ങും കൊറോണ വില്ലനാകുമ്പോള്‍ പോര്‍ട്ടോയ്ക്ക് ഹീറോയാണ് കൊറോണ. കൊറോണ ഭീതി മൂലം ഫുട്‌ബോള്‍ ലോകം നീണ്ട കാലയളവിലാണ് നിര്‍ത്തിവെച്ചത്. ഇപ്പോള്‍ മത്സരങ്ങള്‍ എല്ലാം പുനരാരംഭിച്ചിരിക്കുകയാണ്. ഇപ്പോള്‍ ഇതാ കോവിഡില്‍ തുടങ്ങിയ രണ്ടാം മത്സരത്തിലും പോര്‍ട്ടോയ്ക്ക് വേണ്ടി ഗോളടിച്ചത് കൊറോണയാണ്. മരിറ്റിമോയ്‌ക്കെതിരെ പോര്‍ട്ടോയുടെ മെക്‌സിക്കന്‍ താരമായ ജീസസ് കൊറോണ നേടിയ ഏക ഗോളിലാണ് പോര്‍ട്ടോയുടെ വിജയം. കളി തുടങ്ങി ആറാം മിനുട്ടില്‍ ആയിരുന്നു കൊറോണയുടെ ഗോള്‍.
കഴിഞ്ഞ മത്സരത്തില്‍ ഫമാലികായോക്കെതിരെയും ജീസസ് കൊറോണ ഗോള്‍ നേടിയിരുന്നു. ഈ വിജയത്തോടെ പോര്‍ട്ടോ പോയ്ന്റ് പട്ടികയില്‍ ഒന്നാംസ്ഥാനം ഒന്നുകൂടി ഉറപ്പിച്ചു. 26 മത്സരത്തില്‍ നിന്നായി 63 പോയന്റാണ് പോര്‍ട്ടോയ്ക്ക് ഉള്ളത്. രണ്ടാമതുള്ള ബെന്‍ഫികയ്ക്ക് 61പോയന്റാണുള്ളത്.
Post Your Comments