ന്യൂഡല്‍ഹി : ഉത്തര്‍പ്രദേശിലെ ആഗ്രയില്‍ വെള്ളിയാഴ്ചയുണ്ടായ മഴയിലും ഇടിമിന്നലിലും താജ്മഹലിന് കേടുപാടുകള്‍ സംഭവിച്ചു. താജ്മഹലിന്റെ പരിധിയിലുള്ള നിരവധി മരങ്ങള്‍ വെള്ളിയാഴ്ചയിലെ കാറ്റിലും മഴയിലും കടപുഴകി വീണു. താജ്മഹലിന്റെ ടിക്കറ്റ് കവാടത്തിനും മെറ്റല്‍ ഡിറ്റക്ടറുകള്‍ ഘടിപ്പിച്ചിരുന്ന പ്രവേശന കവാടത്തിനുമാണ് പ്രധാനമായും കോട്ടം സംഭവിച്ചിട്ടുള്ളത്.
താജ്മഹലിന്റെ മാര്‍ബിള്‍ വിരിച്ചിട്ടുള്ള പ്രധാന കെട്ടിടത്തിനും നാശം സംഭവിച്ചിട്ടുണ്ട്. മാത്രമല്ല, തൂണുകള്‍ അടര്‍ന്നു വീണ് താജ്മഹലിന്റെ ചുവരുകള്‍ക്കും വാതിലുകള്‍ക്കും ജനാലകള്‍ക്കും കാര്യമായി കേടുപാടുകള്‍ സംഭവിച്ചുവെന്നാണ് റിപ്പോര്‍ട്ടുകള്‍. അപകടങ്ങളെ തുടര്‍ന്ന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് കാറ്റിലും മഴയിലും പെട്ട് മരിച്ചവരുടെ കുടുംബാംഗങ്ങള്‍ക്ക് 4 ലക്ഷം രൂപ സഹായം പ്രഖ്യാപിച്ചു..
Post Your Comments