ഇന്ത്യയുടെ ഗ്രാമങ്ങളിൽ നടന്നത് ഇന്റർനെറ്റ് വിപ്ലവം; വിശദമായ പഠന റിപ്പോർട്ട് പുറത്ത്

ന്യൂഡൽഹി: ഇന്ത്യയുടെ ഗ്രാമങ്ങളിൽ നടന്നത് ഇന്റർനെറ്റ് വിപ്ലവം ആണെന്ന് പഠനം. ഇന്ത്യൻ ഗ്രാമങ്ങളിൽ ഇന്റർനെറ്റ് വളർച്ച 45% ആയി കുതിച്ചപ്പോൾ നഗര പ്രദേശങ്ങളിൽ 11% വളർച്ചയാണ് നേടിയത്. കാന്തറിന്റെ ഐ സി യു ബി ഇ പഠന റിപ്പോർട്ട് ആണ് പുറത്തു വിട്ടിരിക്കുന്നത്.

ലോകത്തെ പ്രമുഖ ഡാറ്റ, കൺസൾട്ടിംഗ് കമ്പനിയായ കാന്തർ ഇന്ത്യയിലെ ജന സംഖ്യാശാസ്‌ത്രം, പ്രവർത്തനം, ഇന്റർനെറ്റ് ഉപകരണ വിഭാഗങ്ങൾ എന്നിവ പ്രകാരം വിശദമായ പഠനമാണ് നടത്തിയത്. 574 ദശലക്ഷം ആളുകളിൽ പ്രതിമാസ സജീവ ഇന്റർനെറ്റ് ഉപയോക്താക്കളുടെ എണ്ണം 24% വാർഷിക വളർച്ച രേഖപ്പെടുത്തി. 2020 ൽ 11% വളർച്ച റിപ്പോർട്ട് നേടി. പ്രതിമാസം 639 ദശലക്ഷം സജീവ ഇന്റർനെറ്റ് ഉപയോക്താക്കൾ ഉണ്ടെന്ന് കണക്കാക്കുന്നു.

റിപ്പോർട്ട് അനുസരിച്ച് ഏകദേശം 84% ഉപയോക്താക്കൾ വിനോദ ആവശ്യങ്ങൾക്കായി ഇന്റർനെറ്റ് ഉപയോഗിക്കുന്നു. ലോക്ക്ഡൗൺ കണക്കിലെടുത്ത് 2020 ലും ഇത് തുടരുമെന്ന് പ്രതീക്ഷിക്കുന്നു.

38%, 15 വയസോ അതിൽ താഴെയോ പ്രായമുള്ള സ്കൂളിൽ പോകുന്ന കുട്ടികളുടെ വിഭാഗം ഇന്റർനെറ്റ് ഉപയോഗത്തിൽ മികച്ച വളർച്ച കാണിക്കുന്നു. വിവരങ്ങളിലേക്കും വിദ്യാഭ്യാസത്തിലേക്കും ഉള്ള പ്രവേശനം, സോഷ്യൽ മീഡിയ, ഗെയിമിംഗ്, വിനോദം, പ്രത്യേകിച്ച് സ്പോർട്സ് എന്നിവയിലാണ് കുട്ടികൾ കൂടുതലും ഇന്റർനെറ്റ് ഉപയോഗിക്കുന്നത്. വിനോദവും ആശയവിനിമയ ആവശ്യങ്ങളും കാരണം സജീവമായ 10 ഇന്റർനെറ്റ് ഉപയോക്താക്കളിൽ 9 പേരും ദിവസവും ഇന്റർനെറ്റ് ആക്സസ് ചെയ്യുന്നു.

ഇന്ത്യയുടെ ഡിജിറ്റൽ വിപ്ലവം ഗ്രാമീണ ജനത മുന്നോട്ട് കൊണ്ടുപോകുന്നു. ഗ്രാമീണ ഇന്ത്യയിൽ 264 ദശലക്ഷം ഇന്റർനെറ്റ് ഉപയോക്താക്കളുണ്ടെന്നാണ് ഇപ്പോൾ കണക്കാക്കുന്നത്, ഇത് 304 ൽ എത്തുമെന്നാണ് പ്രതീക്ഷിക്കുന്നത്. ഗ്രാമീണ മേഖലയിലെ ഇൻറർനെറ്റ് കുതിപ്പിന് അടിസ്ഥാന ഘടകമാണ് ഇന്റർനെറ്റിലെ പ്രാദേശിക ഭാഷയും വീഡിയോയും. കഴിഞ്ഞ 4 വർഷത്തിനിടെ ഗ്രാമീണ ജനത ഇന്റർനെറ്റിനെ വലിയ രീതിയിൽ ആശ്രയിക്കുന്നു.