ബെംഗളൂരു: പ്രവാസി മലയാളിയായ ഡ്രൈവറിനെ പ്രധാനമന്ത്രിയുടെ വീഡിയോ ഷെയർ ചെയ്തതിന് കുവൈറ്റില്‍ മര്‍ദനമേറ്റ സംഭവത്തില്‍ അന്വേഷണം ആവശ്യപ്പെട്ട് അമിത് ഷായ്ക്ക് പരാതി നൽകിയ കർണാടകം എംപി ശോഭ കരന്തലജെയ്ക്ക് വധഭീഷണി. ആഭ്യന്തരമന്ത്രാലയത്തിന് പരാതി നല്‍കിയതിനു പിന്നാലെയാണ് വധഭീഷണി.ദുബായ്, മസ്‌ക്കറ്റ് രാജ്യങ്ങളില്‍ നിന്നാണ് വധഭീഷണി മുഴക്കിയുള്ള കൂടുതല്‍ ഫോണ്‍ വിളികള്‍ എത്തിയത്.
മൊബൈല്‍ ഫോണില്‍ റെക്കോര്‍ഡ് ചെയ്ത ഫോണ്‍ സംഭാഷണം ഉള്‍പ്പെടെ ശോഭാ കരന്തലജെ കേന്ദ്ര-സംസ്ഥാന സര്‍ക്കാരുകള്‍ക്ക് പരാതി നല്‍കി. ഇന്റര്‍നെറ്റ് കോളിലൂടെ ഉറുദുവിലും അറബിയിലുമായിരുന്നു ഭീഷണി. പ്രധാനമന്ത്രിയുടെ വിദേശ സന്ദര്‍ശനത്തിന്റെ വീഡിയോ ഷെയര്‍ ചെയ്തതിനാണ് മലയാളിയായ പ്രവീണിനെ ഒരു സംഘം പ്രവാസികൾ തന്നെ ആക്രമിക്കുകയും അതിന്റെ വീഡിയോ സോഷ്യൽ മീഡിയയിൽ പ്രചരിപ്പിക്കുകയുമായിരുന്നു.
മലപ്പുറത്ത് കോടതിയുടെ രണ്ടാം നിലയില്‍ നിന്ന് പോക്‌സോ പ്രതി ചാടി , ഗുരുതര പരിക്ക്
ഇതിനെതിരെ വലിയ തോതിലുള്ള പ്രതിഷേധമാണ് ഉണ്ടായത്.ഏപ്രില്‍ 28ന് വൈകിട്ട് നടന്ന സംഭവത്തിന്റെ വീഡിയോ സോഷ്യല്‍ മീഡിയയില്‍ വൈറലായതോടെയാണ് വിവരം പുറം ലോകം അറിഞ്ഞത്. പ്രതികള്‍ക്കെതിരെ രാജ്യദ്രോഹ കുറ്റത്തിനു കേസെടുക്കണമെന്നും കുവൈറ്റില്‍ നിന്ന് പുറത്താക്കാന്‍ സമ്മര്‍ദം ചെലുത്തണമെന്നും ഇന്ത്യയിലെത്തിച്ച്‌ വിചാരണ ചെയ്യണമെന്നുമാണ് ശോഭാ കരന്തലജെ കേന്ദ്ര ആഭ്യന്തരമന്ത്രാലയത്തോട് ആവശ്യപ്പെട്ടിരിക്കുന്നത്.
Post Your Comments