കോഴിക്കോട്: കോഴിക്കോട് ജില്ലയിൽ 14 കോവിഡ് ഹോട്ട്‌സ്‌പോട്ടുകളുണ്ടെന്ന് ആരോഗ്യവകുപ്പ്. ഹോട്ട്‌ സ്‌പോട്ടുകളുടെ വിശദമായ വിവരങ്ങൾ ആണ് ആരോഗ്യവകുപ്പ് പുറത്തു വിട്ടിരിക്കുന്നത്. സര്‍ക്കാര്‍ റെഡ് സോണില്‍ ഉള്‍പ്പെടുത്തിയ നാല് ജില്ലകളില്‍ കോഴിക്കോട് ഉണ്ടായിരുന്നു.
വേളം, ആയഞ്ചേരി, ഉണ്ണികുളം, എടച്ചേരി, അഴിയൂര്‍, കിഴക്കോത്ത്, മടവൂര്‍, ചെക്കിയാട്, തിരുവള്ളൂര്‍, നാദാപുരം, ചെങ്ങരോത്ത്, കായക്കൊടി വില്ലേജുകളും കോഴിക്കോട് കോര്‍പ്പറേഷനില്‍ ഉള്‍പ്പെടുന്ന പയ്യാനിക്കല്‍, കൊളത്തറ ഡിവിഷനുകളുമാണ് പട്ടികയിലുള്ളത്. ഇവിടെ കര്‍ശന നിരീക്ഷണം തുടരും.
കോവിഡ് പോസിറ്റീവായി ഇപ്പോള്‍ ചികിത്സയിലുള്ളവരുടെ എണ്ണം നോക്കിയാല്‍ കാസര്‍കോട് 61, കണ്ണൂര്‍ 45, മലപ്പുറം 9 ഈ തരത്തിലാണ് ഉള്ളത്. മൂന്ന് ജില്ലകള്‍ കഴിഞ്ഞാല്‍ ഏറ്റവും കൂടുതല്‍ പോസിറ്റീവ് കേസ് 9 എണ്ണമുള്ള കോഴിക്കോട് ആണ്. നാലു ജില്ലകളും ചേര്‍ത്ത് ഒരു മേഖല ആക്കുന്നതാണ് നല്ലതെന്ന അഭിപ്രായമാണ് സംസ്ഥാന സര്‍ക്കാരിന്.
Post Your Comments