കൊല്‍ക്കത്ത•കൊറോണ വൈറസ് ഭീതിയെത്തുടര്‍ന്ന് മുനിസിപ്പൽ തിരഞ്ഞെടുപ്പിന് മുന്നോടിയായി അടുത്ത ആഴ്ച നടത്താനിരുന്ന എല്ലാ വലിയ റാലികളും റദ്ദാക്കാന്‍ ബി.ജെ.പി തീരുമാനിച്ചു. വലിയ ഒത്തുചേരലുകള്‍ തടയണമെന്നാവശ്യപ്പെട്ട് ബി.ജെ.പി ആസ്ഥാനത്ത് നിന്ന് സംസ്ഥാന ഓഫീസുകള്‍ക്ക് നിര്‍ദ്ദേശം നല്‍കിയതിന് പിന്നാലെയാണ് തീരുമാനം.
‘ഞങ്ങൾ ഇപ്പോൾ വലിയ സമ്മേളനങ്ങളൊന്നും നടത്തുന്നില്ല. വൈറസ് ലോകമെമ്പാടും ഒരു പകർച്ചവ്യാധിയായി മാറിയിരിക്കുകയാണ്. അടുത്തയാഴ്ച ഡോല്‍യാത്രയും ഹോളിയും ഉണ്ട്, തുടർന്ന് ഞങ്ങൾ ഒരു റാലികളും നടത്തുകയില്ല.അപ്പോഴേക്കും സ്ഥിതി മെച്ചപ്പെടുന്നുണ്ടോ എന്ന് നമുക്ക് നോക്കാം’,- ബിജെപി നേതാവ് മുകുൾ റോയ് പറഞ്ഞു. വെള്ളിയാഴ്ചയും ശനിയാഴ്ചയും റോയ് ബരാസത്ത്, കൊൽക്കത്ത എന്നിവിടങ്ങളിൽ ചെറിയ മീറ്റിംഗുകൾ നടത്തുമെന്നും അദ്ദേഹം വ്യക്തമാക്കി.
‘രോഗം പടരാതിരിക്കാനുള്ള ഒരു പ്രതിരോധ നടപടിയായി തൽക്കാലം എല്ലാ വലിയ സമ്മേളനങ്ങളും റദ്ദാക്കാൻ നേതൃത്വം ഞങ്ങളോട് ആവശ്യപ്പെട്ടിട്ടുണ്ട്. എങ്കിലും, 300-400 ആളുകളുമായി ചെറിയ മീറ്റിംഗുകൾ നടത്താന്‍ അനുവാദമുണ്ട്’,- പാർട്ടിയുടെ സ്റ്റേറ്റ് യൂണിറ്റ് ജനറൽ സെക്രട്ടറി രാജു ബാനർജി പറഞ്ഞു.
മാർച്ച് എട്ടിന് നടക്കാനിരിക്കുന്ന റാലിയിൽ ഒത്തുചേരലിന്റെ വലുപ്പം കുറയ്ക്കാൻ ബംഗാൾ ബി.ജെ.പി ജനറൽ സെക്രട്ടറി സയന്തൻ ബസു ഹാൽദിയയിലെ സംഘാടകരോട് ആവശ്യപ്പെട്ടു.
യ്ക്കാൻ ബംഗാൾ ബിജെപി ജനറൽ സെക്രട്ടറി സയന്തൻ ബസു ഹാൽദിയയിലെ സംഘാടകരോട് ആവശ്യപ്പെട്ടു.
മുർലിധർ സെൻ ലെയ്‌നിലെ ബിജെപി ഓഫീസിന് മുന്നിൽ എല്ലാ വർഷവും സംഘടിപ്പിക്കുന്ന “ഹോളി മിലാൻ ഉത്സവ്” ഈ വർഷം ഉണ്ടാകില്ല. തങ്ങള്‍ ജനങ്ങളിൽ അവബോധം വളർത്താനും മാസ്കുകളുടെ ഉപയോഗം പ്രോത്സാഹിപ്പിക്കാനും ശ്രമിക്കുയാണെന്നും ബി.ജെ.പി വ്യക്തമാക്കി.
Post Your Comments