വെല്ലിങ്ടണ്‍: സൂപ്പര്‍ ഓവറില്‍ കെ.എല്‍ രാഹുലിനേയും സഞ്ജു വി സാംസണേയുമാണ് ആദ്യം ബാറ്റിങ്ങിന് അയക്കാന്‍ തീരുമാനിച്ചിരുന്നതെന്ന് ഇന്ത്യന്‍ ക്യാപ്റ്റന്‍ വിരാട് കോലി. ന്യൂസീലന്‍ഡിനെതിരായ നാലാം ട്വന്റി-20യിലെ വിജയത്തിന് ശേഷം മാധ്യമങ്ങളോട്‌ സംസാരിക്കുകയായിരുന്നു കോലി. ‘സഞ്ജുവിനേയും രാഹുലിനേയുമാണ് സൂപ്പര്‍ ഓവറില്‍ ബാറ്റിങ്ങിനായി ആദ്യം തീരുമാനിച്ചിരുന്നത്.
ഇരുവരും നന്നായി പന്ത് സ്‌ട്രൈക്ക് ചെയ്യും എന്നതിനാലായിരുന്നു ഈ തീരുമാനം. എന്നാല്‍ ക്രീസിലറങ്ങും മുമ്പ് രാഹുലിനോട് സംസാരിച്ചു. സഞ്ജുവിനേക്കാള്‍ കൂടുതല്‍ അനുഭവസമ്പത്ത് എനിക്കാണെന്നും അതുകൊണ്ട് ഞാന്‍ ഇറങ്ങിയാല്‍ മതിയെന്നും രാഹുല്‍ പറഞ്ഞു. ഇതോടെ തീരുമാനം മാറ്റുകായിരുന്നുവെന്നും കോലി പറഞ്ഞു.
Post Your Comments