ഇന്ത്യയെ തണുപ്പിക്കാൻ വീണ്ടും മലേഷ്യൻ നീക്കം, പഞ്ചസാര വാങ്ങിക്കോളാമെന്ന് വാഗ്ദാനം

ന്യൂഡല്‍ഹി : പാമോയില്‍ ഇറക്കുമതിയില്‍ നിയന്ത്രണമേര്‍പ്പെടുത്തിയ ഇന്ത്യയുടെ നീക്കത്തിനു പിന്നാലെ സമാധാന ശ്രമങ്ങളുമായി മലേഷ്യ . ഇന്ത്യയില്‍ നിന്ന് കൂടുതല്‍ പഞ്ചസാര വാങ്ങാമെന്നാണ് അപേക്ഷ .നരേന്ദ്രമോദി സര്‍ക്കാരിന്റെ നീക്കം തങ്ങള്‍ക്ക് വളരെ വലിയ തിരിച്ചടിയാണെന്നും , ഇനി അതിനെ മറികടക്കാനുള്ള മാര്‍ഗ്ഗങ്ങളാണ് കാണേണ്ടതെന്നും മലേഷ്യന്‍ പ്രധാനമന്ത്രി മഹാതീര്‍ മുഹമ്മദ് പറഞ്ഞിരുന്നു . അതിനു പിന്നാലെയാണ് പുതിയ നീക്കം .

കശ്മീര്‍ വിഷയത്തില്‍ യുഎന്നില്‍ പാകിസ്താനെ പിന്തുണയ്ക്കുകയും , ഇന്ത്യയ്ക്കെതിരെ പ്രസ്താവനകള്‍ നടത്തുകയും ചെയ്തതിനെ തുടര്‍ന്നാണ് മലേഷ്യയുമായുള്ള വ്യാപാര ബന്ധത്തില്‍ ഇന്ത്യ നിയന്ത്രണങ്ങള്‍ കൊണ്ടു വന്നത് .മലേഷ്യയിലെ പഞ്ചസാര സംസ്കരണ സ്ഥാപനമാണ് എംഎസ്‌എം ഹോള്‍ഡിംഗ്സ് ബെര്‍ഹാന്‍ഡ് 1.3 ലക്ഷം ടണ്‍ പഞ്ചസാര ഇന്ത്യയില്‍ നിന്ന് വാങ്ങും . 9.20 ദശലക്ഷം ഡോളറിന്റേതാണ് കച്ചവടം. 2019 ല്‍ ഇന്ത്യയില്‍ നിന്ന് 88,000 ടണ്‍ പഞ്ചസാരയാണ് എംഎസ്‌എം വാങ്ങിയിരുന്നത്.മലേഷ്യയില്‍ നിന്നുള്ള ശുദ്ധീകരിച്ച പാം ഓയ്ല്‍, പാമോലിന്‍ എന്നിവ ഇറക്കുമതി ചെയ്യുന്നതിനാണ് ഇന്ത്യ നിയന്ത്രണം പ്രഖ്യാപിച്ചത് .

ലണ്ടനില്‍ ഇന്ത്യന്‍ ഭരണഘടന കത്തിക്കാനൊരുങ്ങി പാക് ഗ്രൂപ്പുകള്‍: സോഷ്യല്‍ മീഡിയ വഴി വലിയ പ്രചാരണം, എതിർപ്പുമായി ലണ്ടനിലെ ഇന്ത്യക്കാർ, ഇന്ത്യ ലണ്ടനുമായി ചർച്ച നടത്തി

മലേഷ്യയുടെ മൊത്തം ആഭ്യന്തര ഉല്‍പ്പാദനത്തില്‍ 2.8 ശതമാനവും കയറ്റുമതിയില്‍ 4 ശതമാനവും പാം ഓയ്‌ലിന്റെ സംഭാവനയാണ്. അതിനാല്‍ ഇന്ത്യയുടെ പെട്ടെന്നുള്ള തീരുമാനം മലേഷ്യയെ സാമ്പത്തികമായി കാര്യമായി ബാധിക്കുന്നത് തന്നെയാണ് .പ്രതിവര്‍ഷം 90 ലക്ഷത്തിലധികം ടണ്‍ പാമോയിലാണ് ഇന്ത്യ ഇറക്കുമതി ചെയ്യുന്നത്. മലേഷ്യ, ഇന്തോനേഷ്യ എന്നീ രാജ്യങ്ങളില്‍ നിന്നാണ് മുഖ്യമായും ഇറക്കുമതി ചെയ്തിരുന്നത്.