ഭ​ക്ത​രു​ടെ കൂ​ട്ട​ത്തി​ലേ​ക്ക് തീ​വ്ര​വാ​ദി​കള്‍ ക​ട​ന്നുകൂ​ടാന്‍ സാധ്യത; ശബരിമലയില്‍ കനത്ത സുരക്ഷ

ശ​ബ​രി​മ​ല: ഭക്തരുടെ വേഷത്തില്‍ ശബരിമലയിൽ തീവ്രവാദികള്‍ എത്തിയേക്കാമെന്ന് മുന്നറിയിപ്പ്. ഇതിന്റെ പശ്ചാത്തലത്തിൽ ശ​ബ​രി​മ​ല​യില്‍ സു​ര​ക്ഷ കൂടുതല്‍ ശ​ക്ത​മാ​ക്ക​ണ​മെ​ന്ന് കേ​ന്ദ്ര ഇന്റ​ലി​ജന്‍​സ് വിഭാഗം മുന്നറിയിപ്പ് നൽകി. ത​ന്ത്ര​പ്ര​ധാ​ന കേ​ന്ദ്ര​ങ്ങള്‍, റെ​യില്‍​വേ സ്റ്റേ​ഷ​നു​കള്‍ അ​ട​ക്കം പ്ര​ത്യേ​ക നി​രീ​ക്ഷ​ണം വേ​ണ​മെ​ന്നും മു​ന്ന​റി​യിപ്പുണ്ട്. ശ​ബ​രി​മ​ല, വ​ന​ത്തി​നു​ള്ളില്‍ സ്ഥി​തി​ചെ​യ്യു​ന്ന ക്ഷേ​ത്ര​മാ​യ​തി​നാ​ലും ദര്‍​ശ​ന​ത്തി​ന് ഭ​ക്തര്‍​ക്ക് വ​ന​ത്തി​ലൂ​ടെ സ​ഞ്ച​രി​ക്കേ​ണ്ട​തി​നാ​ലും ഭ​ക്ത​രു​ടെ കൂ​ട്ട​ത്തി​ലേ​ക്ക് തീ​വ്ര​വാ​ദി​കള്‍ ക​ട​ന്നുകൂ​ടാന്‍ സാധ്യതയുണ്ടെന്നും റിപ്പോർട്ടുണ്ട്.

Read also: അയ്യേ.. റിവ്യൂ ഇപ്പൊ പരിഗണിക്കുന്നില്ലേ.. ആചാരസംരക്ഷകരും ചങ്കു വക്കീലും ചമ്മി പോയേ; ഇവരുടെ ഞെളിയല്‍ കാണുമ്പോള്‍ സഹതാപമാണ് തോന്നുന്നത്, അറിവില്ലായ്മ ഒരു അപരാധം ഒന്നുമല്ലെങ്കിലും അതൊരു അലങ്കാരമാക്കി കൊണ്ട് നടക്കുന്നത് അരോചകമാണ്- ശങ്കു ടി ദാസ്

ത​മി​ഴ്​നാ​ട്, കര്‍​ണാ​ട​ക, ആ​ന്ധ്രാ​പ്ര​ദേ​ശ് എ​ന്നീ സം​സ്ഥാ​ന​ങ്ങ​ളി​ലെ ഡി.ജി.പി​മാ​രു​മാ​യി സം​സ്ഥാ​ന പൊ​ലീ​സ് മേ​ധാ​വി സു​ര​ക്ഷ നിര്‍​ദ്ദേ​ശ​ങ്ങള്‍ ചര്‍​ച്ച ചെ​യ്​തി​ട്ടു​ണ്ടെ​ന്നാ​ണ് സൂ​ച​ന. തി​ര​ക്ക് നി​യ​ന്ത്രി​ക്കാന്‍ ക​ഴി​യു​ന്ന രീതിയിൽ പോയിന്റു​ക​ളാ​യി തി​രി​ച്ചു​ള്ള പൊ​ലീ​സ് വി​ന്യാ​സ​മാ​ണ് സ​ന്നി​ധാ​ന​ത്തൊ​രു​ക്കി​യി​രി​ക്കു​ന്ന​ത്. തീ​വ്ര​വാ​ദ​ ​- മാ​വോ​യി​സ്റ്റ് വി​ഭാ​ഗ​ങ്ങ​ളു​ടെ ഭീ​ഷ​ണി സാ​ദ്ധ്യ​ത​യു​ള്ള​താ​യി നേ​ര​ത്തേ പൊ​ലീ​സ് ഇന്റ​ലി​ജന്‍​സ് മുന്നറിയിപ്പ് നൽകിയിരുന്നു. ഇ​തി​ന്റെ കൂ​ടി അ​ടി​സ്ഥാ​ന​ത്തില്‍ കനത്ത സുരക്ഷയാണ് ഒരുക്കുന്നത്.