ഈ സമീപനമുണ്ടെന്ന് നേരിൽ ബോധ്യപ്പെട്ടിട്ടുണ്ട്; കേരള പൊലീസിനെക്കുറിച്ച് ഗവർണർ

തൃശൂർ: കേരള പൊലീസിനെ പ്രശംസിച്ച് ഗവർണർ ആരിഫ് മുഹമ്മദ് ഖാൻ രംഗത്ത്. പ്രതിഷേധക്കാരെ നേരിടുമ്പോഴും കേരള പൊലീസ് സംയമനം പാലിക്കുന്നുവെന്നും ഇത് മാതൃകയാണെന്നും അദ്ദേഹം വ്യക്തമാക്കി. തൃശൂർ പൊലീസ് അക്കാദമിയിൽ ഫൊറൻസിക് സയൻസ് ശിൽപശാല ഉദ്ഘാടനം ചെയ്യുകയായിരുന്നു ഗവർണർ. ജനമൈത്രി പൊലീസ് അഭിനന്ദനം അർഹിക്കുന്നുണ്ട്. പ്രതിഷേധക്കാർ ശത്രുക്കൾ അല്ല. അവരോടും മാനുഷികപരമായ സമീപനം വേണം. ഈ സമീപനം കേരള പൊലീസിനുണ്ടെന്ന് നേരിൽ ബോധ്യപ്പെട്ടിട്ടുണ്ടെന്നും കേരള പൊലീസിന്റെ പ്രവർത്തനം മികച്ചതാണെന്നും അദ്ദേഹം പറഞ്ഞു.