ദുബായ്•ദുബായിലെ അൽ ഖുസൈസിലെ താമസസ്ഥലത്ത് 24 കാരനായ ഇന്ത്യൻ പ്രവാസി ഹൃദയാഘാതത്തെ തുടർന്ന് നിര്യാതനായി. തൃശ്ശൂർ സ്വദേശിയായ സന്ധിജ് അത്രപ്പുള്ളി സന്തോഷ്കുമാര്‍ ആണ് മരിച്ചത്. അതിരാവിലെ വായിൽ നുരയുമായി കണ്ടെത്തിയ സന്ധിജിനെ ആശുപത്രിയിക്ക് കൊണ്ടുപോകും വഴിയാണ് മരണം സംഭവിച്ചത്.
ഖുസൈസിലെ അൽ ഖയം ബേക്കറിയിൽ സൂപ്പർവൈസറായി ജോലി ചെയ്യുകയായിരുന്നു.
ശനിയാഴ്ച രാത്രി സന്ദീജിന്റെ മുറിയില്‍ നിന്ന് പുറത്തുപോകുമ്പോള്‍ അയാള്‍ ആരോഗ്യവനയിരുന്നുവെന്ന് സുഹൃത്ത് നൌഫല്‍ പറഞ്ഞു. മുറിയിലെ എല്ലാവര്‍ക്കും ഭക്ഷണം പാകം ചെയ്ത് തന്നിരുന്നു. അത്താഴത്തിന് ശേഷം പാട്ടും പാടി. നല്ലൊരു രാത്രിയായിരുന്നു അതെന്നും നൌഫല്‍ പറഞ്ഞു.
റൂംമേറ്റ്സ് അതിരാവിലെ ഉറക്കമുണർന്നപ്പോൾ സന്ദീജിന് വേദനയും വായിൽ നിന്ന് നുരയും ശ്വാസതടസവും അനുഭവപ്പെടുന്നതായി കണ്ടെത്തി. അവര്‍ സന്ദീജിനെ ആശുപത്രിയിലെത്തിച്ചെങ്കിലും യാത്രാമധ്യേ മരിച്ചു. ഹൃദയാഘാതമാണ് മരണകാരണമെന്ന് ഡോക്ട്കര്‍ സ്ഥിരീകരിച്ചതായും നൌഫല്‍ പറഞ്ഞു.
‘ഞങ്ങൾ എല്ലാവരും ഞെട്ടിപ്പോയി. തലേദിവസം രാത്രി അവന്‍ പാടുന്ന വീഡിയോകൾ ഇപ്പോഴും ഞങ്ങളുടെ പക്കലുണ്ട്. ഇപ്പോള്‍ അവന്‍ ഇല്ലെന്ന് നമുക്ക് എങ്ങനെ വിശ്വസിക്കും?” നൌഫല്‍ ചോദിക്കുന്നു
സന്ദീജിന്റെ മുഖത്ത് എപ്പോഴും പുഞ്ചിരിയുണ്ടായിരുന്നതായി സുഹൃത്തുക്കള്‍ പറയുന്നു. അവൻ ഏതെങ്കിലും തരത്തിലുള്ള സമ്മർദ്ദത്തിലായിരുന്നുവെന്ന് തങ്ങള്‍ കരുതുന്നില്ല. അദ്ദേഹം പുകവലിക്കുകയോ കുടിക്കുകയോ ചെയ്തിരുന്നില്ല. ഫുട്ബോൾ കളിക്കുകയും ശാരീരിക ക്ഷമതയുള്ളയാളുമായിരുന്നുവെന്നും സുഹൃത്തുക്കള്‍ പറയുന്നു.
സന്ദീജിന്റെ പിതാവ് ചെറുപ്പത്തിൽത്തന്നെ മരിച്ചു. കുടുംബത്തെ സഹായിക്കാനായാണ് സന്ദീജ് ഗള്‍ഫിലെത്തിയത്.
മരണവിവരം അദ്ദേഹത്തിന്റെ അമ്മയെയും സഹോദരനെയും അറിയിച്ചതായി സാമൂഹിക പ്രവർത്തകനായ നസീർ വതനപ്പള്ളി പറഞ്ഞു.
പോലീസ് നടപടി ക്രമങ്ങള്‍ പൂര്‍ത്തിയാക്കി തിങ്കളാഴ്ചയോടെ അദ്ദേഹത്തിന്റെ മൃതദേഹം കേരളത്തിലേക്ക് കൊണ്ടുപോകാന്‍ കഴിയുമെന്ന് പ്രതീക്ഷിക്കുന്നതായി നസീര്‍ പറഞ്ഞു..
സന്ദീജിന്റെ അമ്മ രാമദേവി സഹോദരൻ ശ്രാവന്ദ്.
Post Your Comments