ഡോ. അംബേദ്ക്കർ പോസ്റ്റ് മെട്രിക് സ്‌കോളർഷിപ്പിന് അപേക്ഷ ക്ഷണിച്ചു

കേരള സംസ്ഥാന മുന്നാക്കസമുദായ ക്ഷേമ കോർപ്പറേഷൻ 2019-20 വർഷത്തെ ഡോ. അംബേദ്ക്കർ പോസ്റ്റ് മെട്രിക് സ്‌കോളർഷിപ്പിനായുളള അപേക്ഷകൾ ക്ഷണിച്ചു. ഹയർസെക്കൻഡറി ഡിപ്ലോമ/സർട്ടിഫിക്കറ്റ് കോഴ്‌സുകൾ, ബിരുദം, ബിരുദാനന്തര ബിരുദം, സി.എ/സി.എം.എ/സി.എസ്/ഐ.സി.എഫ്.എ ഗവേഷക വിഭാഗം (പിഎച്ച്.ഡി, എം.ഫിൽ,ഡി.ലിറ്റ്,ഡി.എസ്‌സി) എന്നീ മേഖലകളിൽ പഠിക്കുന്ന കേരളത്തിലെ സംവരണേതര സമുദായങ്ങളിൽപ്പെടുന്നതും സാമ്പത്തികമായി പിന്നാക്കം നിൽകുന്ന കുടുംബങ്ങളിൽ നിന്നുമുളള വിദ്യാർഥികൾക്കാണ് സ്‌കോളർഷിപ്പുകൾ നൽകുന്നത്.
അപേക്ഷാഫോമിനും വിശദവിവരങ്ങൾക്കും www.kswcfc.org എന്ന വെബ്‌സൈറ്റ് സന്ദർശിക്കുക അപേക്ഷ സമർപ്പിക്കുന്നതിനുളള അവസാന തീയതി നവംബർ 20.