ന്യൂഡല്‍ഹി: നരേന്ദ്ര മോദിയെപ്പോലെ ധീരനായ ഒരു പ്രധാനമന്ത്രിയെ സ്വതന്ത്ര ഇന്ത്യക്ക് ലഭിച്ചിട്ടില്ലെന്ന് ബിജെപി എംപിയും നടിയുമായ ഹേമമാലിനി. സ്വതന്ത്ര ഇന്ത്യ കണ്ട ഏറ്റവും മികച്ച പ്രധാനമന്ത്രിയാണ് മോദി. അവർ പറഞ്ഞു. പതിനഞ്ച് വര്‍ഷത്തിന് മുന്‍പ് ഇന്ത്യയുടെ അവസ്ഥ ദയനീയമായിരുന്നു. എന്നാല്‍ മോദിയുടെ വരവോടെ ഇന്ത്യ ഉയരങ്ങളിലെത്തി. രാജ്യത്തിന്റെ യശസ് ലോകത്തിന്റെ നെറുകയിലെത്തിച്ച പ്രധാനമന്ത്രിയാണ് മോദിയെന്നും സ്വതന്ത്ര ഇന്ത്യക്ക് മോദിയെപ്പോലെ ഒരു പ്രധാനമന്ത്രിയെ ലഭിച്ചിട്ടില്ലെന്നും ഹേമമാലിനി പറഞ്ഞു. ഹരിയാനയിലെ തെരഞ്ഞെടുപ്പ് റാലിയില്‍ സംസാരിക്കുകയായിരുന്നു ഹേമമാലിനി.
രാജ്യം ഇപ്പോള്‍ സുരക്ഷിതമായ കരങ്ങളിലാണ്. ഇനി രാജ്യത്തിന്റെ ഭരണം മറ്റൊരു കൈകളില്‍ എത്തുന്നത് ചിന്തിക്കാന്‍ പോലും കഴിയില്ല. ഹേമമാലിനി പറഞ്ഞു. ഒക്ടോബര്‍ 21നാണ് ഹരിയാനയില്‍ തെരഞ്ഞെടുപ്പ് നടക്കുക. 24നാണ് ഫലപ്രഖ്യാപനം. ഹരിയാനയിലെ പ്രധാന മത്സരം ബിജെപിയും കോണ്‍ഗ്രസും തമ്മിലാണ്. എന്നാല്‍ ചില സീറ്റുകളില്‍ ഇന്ത്യന്‍ നാഷണല്‍ ലോക്ദളും (ഐന്‍എല്‍ഡി) ജനനായക ജനത പാര്‍ട്ടിയും മത്സരിക്കുന്നതിനാല്‍ ശക്തമായ മത്സരം നടക്കാനാണ് സാധ്യത. ഇതിനാല്‍, ചില മണ്ഡലങ്ങള്‍ ശക്തമായ ത്രികോണ മത്സരത്തിനും വേദിയാകും.
ALSO READ: മരട് ഫ്‌ളാറ്റ് കേസുമായി ബന്ധപെട്ട് ജെയിൻ ബിൽഡേഴ്‌സിന്റെ ഓഫീസിൽ റെയ്ഡ്; ഉടമ ഒളിവിൽ
Post Your Comments