തിരുവനന്തപുരം: സംസ്ഥാനത്ത് ശനിയാഴ്ച വരെ വ്യാപകമായ മഴയുണ്ടാകുമെന്ന് കാലാവസ്ഥ നിരീക്ഷണ കേന്ദ്രം. കനത്ത മഴയെ തുടര്‍ന്ന് കൊല്ലം, ആലപ്പുഴ, എറണാകുളം, ഇടുക്കി എന്നീ ജില്ലകളില്‍ ഇന്ന് ഓറഞ്ച് അലര്‍ട്ട് പ്രഖ്യാപിച്ചു. അതോടൊപ്പം തന്നെ കാലവര്‍ഷം പിന്‍വാങ്ങി തുലാവര്‍ഷം സംസ്ഥാനത്തു തുടങ്ങിയതായി കാലാവസ്ഥ നിരീക്ഷണ വകുപ്പ് അറിയിച്ചു.
സെപ്റ്റംബര്‍ അവസാനത്തോടെയാണ് ഇടവപ്പാതി അവസാനിക്കേണ്ടത്. എന്നാൽ ഇത്തവണ ഏറ്റവും വൈകിയാണ് കാലവര്‍ഷം പിന്‍വാങ്ങിയത്. അതേസമയം ശക്തമായ മഴയ്ക്കും കാറ്റിനും സാധ്യതയുള്ളതിനാല്‍ മത്സ്യത്തൊഴിലാളികള്‍ കടലില്‍ പോകരുതെന്നും തുലാവര്‍ഷത്തില്‍ മഴയ്‌ക്കൊപ്പം ഇടിമിന്നലിനെതിരെയും ജാഗ്രതപാലിക്കണമെന്ന് കാലാവസ്ഥ നിരീക്ഷണ വകുപ്പ് മുന്നറിയിപ്പ് നല്‍കുന്നു.
Post Your Comments