രണ്ടാം ക്രിക്കറ്റ് ടെസ്റ്റ് പോരാട്ടം : ദ​ക്ഷി​ണാ​ഫ്രി​ക്കയെ തകർത്ത് പരമ്പര നേട്ടവുമായി ഇന്ത്യ

പു​നെ: ര​ണ്ടാം ക്രി​ക്ക​റ്റ് ടെസ്റ്റ് പോരാട്ടത്തിൽ ദക്ഷിണാഫ്രിക്കയെ ഇന്നിങ്‌സിനും 137 റണ്‍സിനും തോൽപ്പിച്ച്,   പരമ്പര സ്വന്തമാക്കി ഇന്ത്യ. ആ​ദ്യ ഇ​ന്നിം​ഗ്സ് ​സ്കോ​റാ​യ 601നെ​തി​രെ ഫോ​ളോ​ഓ​ണ്‍ ചെ​യ്ത ദ​ക്ഷി​ണാ​ഫ്രി​ക്ക​യെ 189 റണ്‍സിന് എറിഞ്ഞിടുകയായിരുന്നു. കേശവ് മഹാരാജിന്റെ വിക്കറ്റിലൂടെ ജഡേജയാണ് ഇന്ത്യയെ ജയത്തിലെത്തിച്ചത്.  നാട്ടില്‍ ഇന്ത്യയുടെ തുടര്‍ച്ചയായ 11-ാം ടെസ്റ്റ് പരമ്പര ജയത്തിലൂടെ സ്വന്തം നാട്ടില്‍ ഏറ്റവും കൂടുതല്‍ ടെസ്റ്റ് പരമ്പരകള്‍ തുടര്‍ച്ചയായി വിജയിക്കുന്ന ടീമെന്ന റെക്കോർഡും ഇന്ത്യ സ്വന്തമാക്കി.

2nd Test. It's all over! India won by an innings and 137 runs https://t.co/IMXND6IOWv #IndvSA @Paytm

— BCCI (@BCCI) October 13, 2019

നേരത്തെ ഒന്നാം ഇന്നിങ്‌സില്‍ ക്യാപ്റ്റന്‍ വിരാട് കോഹ്‌ലിയുടെ ഇരട്ട സെഞ്ചുറി മികവില്‍ അഞ്ചു വിക്കറ്റ് നഷ്ടത്തില്‍ 601 റണ്‍സിന് ഇന്ത്യ ഡിക്ലയര്‍ ചെയ്തിരുന്നു. ടെസ്റ്റില്‍ ഏഴാം ഇരട്ട സെഞ്ചുറി നേടിയ കോഹ്ലി 336 പന്തില്‍ 254 റണ്‍സോടെ പുറത്താകാതെ നിന്നു. ടെസ്റ്റില്‍ കോഹ്ലിയുടെ ഉയര്‍ന്ന സ്‌കോറാണിത്. ശേഷം ഒന്നാം ഇന്നിങ്‌സില്‍ ദക്ഷിണാഫ്രിക്കയെ 275 റണ്‍സിന് പുറത്താക്കിയ ഇന്ത്യ 326 റണ്‍സിന്റെ ഒന്നാം ഇന്നിങ്സ് ലീഡ് സ്വന്തമാക്കി. ശേഷം ദക്ഷിണാഫ്രിക്കയെ ഫോളോഓണിനയച്ചു. കഴിഞ്ഞ ഒരു പതിറ്റാണ്ടിനിടെ ആദ്യമായാണ് ദക്ഷിണാഫ്രിക്ക ഫോളോഓണ്‍ ചെയ്യേണ്ടി വന്നത്. ശേഷം ഇന്നിറങ്ങിയ ദക്ഷിണാഫ്രിക്ക തകർച്ചയോടെയാണ് തുടങ്ങിയത്.

48 റ​ണ്‍​സെ​ടു​ത്ത ഡീ​ന്‍ എ​ല്‍​ഗാറും, 38 റ​ൺ‌​സെ​ടു​ത്ത ടെം​ബ ബ​വു​മ​യും, 37 റ​ൺ​സെ​ടു​ത്ത വെ​ര്‍​നോ​ണ്‍ ഫി​ലാ​ന്‍​ഡ​റി​നും ഭേദപ്പെട്ട പ്രകടനം കാഴ്ച വെച്ചു. ഇ​ന്ത്യ​യ്ക്കാ​യി ഉ​മേ​ഷ് യാ​ദ​വും ര​വീ​ന്ദ്ര ജ​ഡേ​ജ​യും മൂ​ന്ന് വീ​തം വി​ക്ക​റ്റു​ക​ൾ വീ​ഴ്ത്തി​യ​പ്പോ​ൾ അ​ശ്വി​ൻ ര​ണ്ടു വി​ക്ക​റ്റു​കളും ഇ​ഷാ​ന്ത് ശ​ർ​മ​യും മു​ഹ​മ്മ​ദ് ഷ​മി​യും ശേ​ഷി​ച്ച വി​ക്ക​റ്റു​ക​ൾ സ്വന്തമാക്കി.

Also read : ലോക ബോക്സിങ് ചാംപ്യന്‍ഷിപ്പ് സെമിയിലെ തോൽവി : റഫറീയിംഗിനെതിരെ മേരി കോം