തിരുവനന്തപുരം: പാലാ ഉപതെരഞ്ഞെടുപ്പിൽ വിജയിച്ച എൽ ഡി എഫ് സ്ഥാനാർത്ഥിയും, പഴയ സിനിമാ നടനുമായ മാണി സി കാപ്പന്റെ സത്യ പ്രതിജ്ഞ ഇന്ന് നടക്കും. 54 വർഷം പാലായെ പ്രതിനിധീകരിച്ച കെ എം മാണിയുടെ പിൻഗാമിയായാണ് കാപ്പന്റെ സഭയിലേക്കുള്ള വരവ്. നിയമസഭാ ബാങ്ക്വറ്റ് ഹാളിൽ സ്പീക്കർ പി ശ്രീരാമകൃഷ്ണൻ സത്യപ്രതിജ്ഞ ചൊല്ലിക്കൊടുക്കും.
സത്യപ്രതിജ്ഞയ്ക്ക് ശേഷം മാണി സി കാപ്പന് എൻസിപി തിരുവനന്തപുരം ജില്ലാ കമ്മിറ്റി സ്വീകരണം നൽകും. തുടർന്ന് വട്ടിയൂർക്കാവിലെ ഇടത് സ്ഥാനാർഥി വി കെ പ്രശാന്തിന്റെ തെരഞ്ഞെടുപ്പ് പ്രചരണത്തിലും കാപ്പൻ പങ്കെടുക്കും. കെ എം മാണിയുടെ നിര്യാണത്തെ തുടർന്നാണ് പാലായിൽ ഉപതെരഞ്ഞെടുപ്പ് നടന്നത്. മുഖ്യമന്ത്രി പിണറായി വിജയനും മന്ത്രിസഭാംഗങ്ങളും ഇടത് നേതാക്കളും ചടങ്ങിൽ പങ്കെടുക്കും.
Post Your Comments