കായംകുളം: കാറിനുള്ളില്‍ നിന്നും സ്ത്രീയുടെ കരച്ചില്‍ കേട്ട് വാഹനം തടഞ്ഞ് പരിശോധിച്ച നാട്ടുകാര്‍ ഞെട്ടി. കാറില്‍ യാത്ര ചെയ്യുകയായിരുന്ന ദമ്പതികള്‍ മദ്യത്തിന്റെ ലഹരിയില്‍ ഏറ്റുമുട്ടുന്നതാണ് കണ്ടത്. കഴിഞ്ഞ ദിവസം വൈകിട്ട് കായംകുളം ചേരാവള്ളിയില്‍ വെച്ചാണ് സംഭവം. ഇതുവഴിവന്ന കാറില്‍ നിന്ന് സ്ത്രീയുടെ ബഹളം കേട്ട നാട്ടുകാര്‍ കാര്‍ തടയുകയായിരുന്നു. മദ്യവും മര്‍ദ്ദനവും മൂലം സ്ത്രീ അവശയായിരുന്നു. ഇരുവരും അറുന്നൂറ്റിമംഗലം സ്വദേശികളാണ്.
ദമ്പതികളെ നാട്ടുകാര്‍ തടഞ്ഞുവെച്ചു പോലീസിനെ വിളിച്ചുവരുത്തി ഏല്‍പ്പിച്ചു. പൊലീസ് സ്ഥലത്തെത്തി ഇരുവരെയും കാറിന്റെ ഡ്രൈവറെയും ആശുപത്രിയില്‍ എത്തിച്ചു. പരിശോധനയില്‍ ഇവര്‍ മദ്യലഹരിയിലായിരുന്നെന്ന് കണ്ടെത്തി. അതേസമയം ദ്യപിച്ച് വാഹനമോടിച്ചതിന് ഡ്രൈവര്‍ക്കെതിരെയും പൊതുസ്ഥലത്ത് ബഹളമുണ്ടാക്കിയതിന് 3 പേര്‍ക്കെതിരെയും കേസ് എടുക്കുമെന്നും പൊലീസ് അറിയിച്ചു.
Post Your Comments