നാസിക്: സവാളയ്ക്ക് വില കുതിയ്ക്കുന്നു. വില കുതിച്ചുയരുന്നതിനിടെ ഒരു ലക്ഷം രൂപയുടെസവാള മോഷണം പോയെന്ന പരാതിയുമായി കര്‍ഷകന്‍. മഹാരാഷ്ട്രയിലെ നാസിക് ജില്ലയിലെ കര്‍ഷകനാണ്‌സ്റ്റോര്‍ റൂമില്‍ സൂക്ഷിച്ചിരുന്ന സവാള മോഷണം പോയെന്ന പരാതിയുമായി രംഗത്തെത്തിയത്.
വേനല്‍ക്കാല വിപണി ലക്ഷ്യമാക്കി117 പെട്ടികളിലായി സൂക്ഷിച്ചിരുന്ന 25 ടണ്‍ സവാളയാണ് മോഷണം പോയത്. ഒരു ലക്ഷം രൂപ വില വരുന്ന സവാള ഞായറാഴ്ച വൈകുന്നേരത്തോടെ സ്റ്റോര്‍ ഹൗസില്‍ നിന്ന് കാണാതായതായി ഇയാള്‍ പോലീസില്‍ നല്‍കിയ പരാതിയില്‍ പറയുന്നു.സംഭവത്തില്‍ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്. അന്വേഷണം അയല്‍ സംസ്ഥാനമായ ഗുജറാത്തിലേക്കും വ്യാപിച്ചതായി പോലീസ് ഇന്‍സ്‌പെക്ടര്‍ പ്രമോദ് വാഗ് പറഞ്ഞു. ഡല്‍ഹിയില്‍ കിലോക്ക് 70 – 80 രൂപയാണ് സവാള വില. കേരളത്തില്‍ സവാളവില 60 രൂപയോളമായി.
Post Your Comments