ജെയ്സാല്‍മീര്‍•20 കാരനായ യുവാവിനെയും പ്രായപൂര്‍ത്തിയാകാത്ത പെണ്‍കുട്ടിയേയും മരത്തില്‍ തൂങ്ങി മരിച്ച നിലയില്‍ കണ്ടെത്തി. ബാര്‍മര്‍ ജില്ലയിലെ ഷിയോ പോലീസ് സ്റ്റേഷന്‍ പരിധിയിലാണ് സംഭവം.
ഇരുവരും പ്രണയത്തിലായിരുന്നുവെന്നും, പക്ഷേ അവരുടെ കുടുംബാംഗങ്ങള്‍ അവരുടെ ബന്ധത്തിന് എതിരായിരുന്നുവെന്നും പോലീസ് പറഞ്ഞു.
സംഭവത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്. ജെയ്സാല്‍മീര്‍ ജില്ലയിലെ മൗലാനാ ഗ്രാമ വാസിയായ നേപ് സിംഗ് (20), മറ്റൊരു ഗ്രാമത്തില്‍ നിന്നുള്ള 17 കാരിയുമാണ് ജീവനൊടുക്കിയത്.
വെള്ളിയാഴ്ച രാത്രി ഇരുവരെയും കാണാതായതായി പോലീസ് പറഞ്ഞു. പിന്നീട് ശനിയാഴ്ച രാവിലെ മരത്തില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു.
Post Your Comments