സൗദി: സൗദി ജേണലിസ്റ്റ് അസോസിയേഷന്‍ സൗദിയിലെ പ്രഥമ മാധ്യമ സമ്മേളനം സംഘടിപ്പിക്കുന്നു. നവംബറിലാണ് മാധ്യമ സമ്മേളനം നടക്കുക. വ്യവസായം എന്ന നിലയില്‍ മാധ്യമങ്ങള്‍ നേരിടുന്ന വെല്ലുവിളികള്‍, നിലവിലെ സംഭവവികാസങ്ങള്‍ എന്നിവ സമ്മേളനം ചര്‍ച്ച ചെയ്യും. സൗദിക്കു പുറമെ അറബ്, അന്താരാഷ്ട്ര മാധ്യമ പ്രവര്‍ത്തകരും സമ്മേളനത്തില്‍ പങ്കെടുക്കും.
നവംബര്‍ 19, 20 തീയതികളില്‍ റിയാദിലാണ് സമ്മേളനം. ഇതിന്റെ ഭാഗമായി മീഡിയാ അവാര്‍ഡുകളും വിതരണം ചെയ്യും. ജേണലിസം, വിഷ്വല്‍ പ്രൊഡക്ഷന്‍, ഓഡിയോ പ്രൊഡക്ഷന്‍, മീഡിയാ പഴ്‌സനാലിറ്റി തുടങ്ങി നാല് വിഭാഗങ്ങളിലാണ് അവാര്‍ഡുകളെന്ന് സൗദി ജേണലിസ്റ്റ് അസോസിയേഷന്‍ ചെയര്‍മാന്‍ ഖാലിദ് അല്‍ മാലിക് പറഞ്ഞു.
ദ്വിദിന സമ്മേളനത്തില്‍ ‘മാധ്യമ വ്യവസായം–അവസരങ്ങളും വെല്ലുവിളികളും’ എന്ന വിഷയം ചര്‍ച്ച ചെയ്യും. ദേശീയ, അന്തര്‍ ദേശീയ രംഗത്തെ പ്രമുഖര്‍ പങ്കെടുക്കുമെന്നും സംഘാടകര്‍ അറിയിച്ചു. റിയാദിനെ അറബ് മാധ്യമങ്ങളുടെ തലസ്ഥാനമാക്കും. ഇതിനുള്ള വാര്‍ഷിക പരിപാടിയായിരിക്കും സമ്മേളനമെന്ന് മാലിക് പറഞ്ഞു.
Post Your Comments