കൊച്ചി: ജോലിയില്‍ നിന്നും പിരിച്ചുവിട്ടതിന്റെ മനോവിഷമത്തില്‍ ഹോട്ടല്‍ ഉടമയുടെ വീട്ടിലെ കാര്‍പോര്‍ച്ചില്‍ യുവതി തീ കൊളുത്തി മരിച്ചു. മൂത്തകുന്നം മടപ്ലാതുരുത്ത് സ്വദേശി അമ്പിളി (38) ആണ് മരിച്ചത്. തിങ്കളാഴ്ച രാവിലെ ആറോടെയായിരുന്നു സംഭവം. മാസങ്ങള്‍ക്കു മുമ്പാണ് അമ്പിളിയെ ഹോട്ടലില്‍ നിന്നും പിരിച്ചു വിട്ടത്.
മൂന്നു മാസങ്ങള്‍ക്ക് മുമ്പ് അണ്ടിപ്പിള്ളിക്കാവില്‍ പ്രവര്‍ത്തിക്കുന്ന അംബി ഹോട്ടല്‍ ആന്റ് കാറ്ററിംഗ് യൂണിറ്റിലാണ് അമ്പിളി ജോലി ചെയ്തിരുന്നത്. എന്നാല്‍ പിരിച്ചു വിട്ടതിനെ തുടര്‍ന്നുള്ള മനോവിഷമത്തില്‍ ഹോട്ടല്‍ ഉടമ സുധീഷിന്റെ വീട്ടിലെത്തി തീ കൊളുത്തി മരിക്കുകയായിരുന്നു. ശബ്ദം കേട്ട് വീട്ടുകാര്‍ പുറത്തിറങ്ങിയപ്പോഴേക്കും അമ്പിളിയുടെ ശരീരത്തിലാകെ തീ പിടിച്ചിരുന്നു. തുടര്‍ന്ന് തീ അണച്ച് അയല്‍ക്കാരുടെ സഹായത്തോടെ തീ കെടുത്തി ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
Post Your Comments