നോർക്ക റൂട്ട്സ് മുഖേന കുവൈറ്റിലേക്ക് ഈ മേഖലകളിൽ തൊഴിലവസരം

തിരുവനന്തപുരം: കുവൈത്തിലെ അർദ്ധ സർക്കാർ റിക്രൂട്ട്‌മെന്റ് സ്ഥാപനമായ അൽദുര ഫോർമാൻ പവറിലേക്ക് നോർക്ക റൂട്ട്‌സ് മുഖേന വനിത ഗാർഹികജോലിക്കാരെ തിരഞ്ഞെടുക്കുന്നു. നിയമപരവും, സുരക്ഷിതവും, സുതാര്യവുമായ കുടിയേറ്റം ഉറപ്പു വരുത്തുക എന്നതാണ് ലക്ഷ്യം. ശമ്പളം 110 കുവൈറ്റ് ദിനാർ. (ഏകദേശം 25,000രൂപ) തിരഞ്ഞടുക്കപ്പെടുന്നവർക്ക് വിസ, വിമാന ടിക്കറ്റ്, താമസം, ഭക്ഷണം, എന്നിവ ഉൾപ്പെടെ നോർക്ക റിക്രൂട്ട്‌മെന്റും തികച്ചും സൗജന്യമാണ്. ജൂൺ 15 ന് രാവിലെ 10 മുതൽ വർക്കല മുൻസിപാലിറ്റി ഓഫീസിൽ അഭിമുഖം നടത്തും. താത്പര്യമുള്ള വനിതകൾ വിശദമായ ബയോഡേറ്റ, ഫുൾ സൈസ് ഫോട്ടോ, പാസ്‌പോർട്ടിന്റെ പകർപ്പ് എന്നിവയുമായി വർക്കല മുൻസിപാലിറ്റി ഓഫീസിൽ എത്തണമെന്ന് നോർക്ക റൂട്ട്‌സ് ചീഫ് എക്‌സിക്യൂട്ടീവ് ഓഫീസർ അറിയിച്ചു. കൂടുതൽ വിവരങ്ങൾക്ക്: 0471-2770544, 0470-2603115, 18004253939 (ഇന്ത്യയിൽ നിന്നും) 00918802012345 (വിദേശത്ത് നിന്നും) എന്നീ നമ്പരുകളിൽ ബന്ധപ്പെടണം.