Jannah Theme License is not validated, Go to the theme options page to validate the license, You need a single license for each domain name.
KeralaLatest News

നടിയുടെ കാറിനു മുകളില്‍ കൊച്ചി മെട്രോയുടെ കോണ്‍ക്രീറ്റ് പാളി വീണ സംഭവം; കെ.എം.ആര്‍.എല്‍ തീരുമാനം ഇങ്ങനെ

കൊച്ചി: കൊച്ചി മെട്രോയുടെ കോണ്‍ക്രീറ്റ് പാളി അടര്‍ന്ന് വീണ സംഭവത്തില്‍ കെഎംആര്‍എല്‍ അന്വേഷണത്തിന് ഉത്തരവിട്ടു. ആലുവ മുതല്‍ മഹാരാജസ് വരെ പരിശോധന നടത്തണമെന്നാണ് നിര്‍ദ്ദേശം. ഒരാഴ്ചക്കകം റിപ്പോര്‍ട്ട് സമര്‍പ്പിക്കാനും ആവശ്യപ്പെട്ടിട്ടുണ്ട്.നടി അര്‍ച്ചന കവിയും അച്ഛനും യാത്ര ചെയ്ത കാറിന് മുകളിലേക്ക് കോണ്‍ക്രീറ്റ് പാളി അടര്‍ന്ന് വീഴുകയായിരുന്നു.

നിര്‍മ്മാണ ചുമതലയുണ്ടായിരുന്ന ഡിഎംആര്‍സിയോടും കെഎംആര്‍എല്‍ റിപ്പോര്‍ട്ട് തേടി. കാര്‍ ഉടമക്ക് മതിയായ നഷ്ടപരിഹാരം നല്‍കാനും തീരുമാനമായി. ഇന്നലെ ഉച്ചയ്ക്ക് അര്‍ച്ചനയും അച്ഛനും കൊച്ചി വിമാനത്താവളത്തിലേക്ക് പോകുന്നതിനിടെയാണ് സംഭവം. കാറിനകത്ത് ഈ സമയം മൂന്ന് പേരുണ്ടായിരുന്നു. എന്നാല്‍ മുന്‍വശത്തെ പാസഞ്ചര്‍ സീറ്റില്‍ ആരുമുണ്ടായിരുന്നില്ല. തലനാരിഴയ്ക്കാണ് രക്ഷപ്പെട്ടതെന്ന് താരം തന്റെ ട്വിറ്ററില്‍ കുറിച്ചിരുന്നു. സംഭവം വാര്‍ത്തയായതോടെ നടപടികള്‍ സ്വീകരിക്കുകയായിരുന്നു.

 

shortlink

Related Articles

Post Your Comments

Related Articles


Back to top button