പാറ്റ്ന:വോട്ടെടുപ്പ് നടക്കുന്നതിനിടെ വെടിയേറ്റ് പോളിംഗ് ഉദ്യാഗസ്ഥന്‍ മരിച്ചു.. സ്കൂള്‍ ടീച്ചറായ ശിവേന്ദ്ര കുമാര്‍ ആണ് മരിച്ചത്. ബീഹാറിലെ മധോപുര്‍ സുന്ദര്‍ ഗ്രാമത്തിലെ 275-ാം ബൂത്തിലാണ് സംഭവം നടന്നത്. ഹോംഗാര്ഡിന്റെ തോക്കില്‍നിന്ന് അബദ്ധത്തില്‍ വെടി പൊട്ടുകയായിരുന്നു.
ഗുരുതരമായി പരിക്കേറ്റ ശിവേമ്ദ്ര കുമാറിനെ ആദ്യം ജില്ലാ ആശുപത്രിയിലും പിന്നീട് മുസാഫര്‍പുരിലെ എച്ച്‌കെഎംസി ആശുപത്രിയി പ്രവേശിപ്പിച്ചെങ്കിലും മരണപ്പെടുകയായിരുന്നു. ഹോംഗാര്ഡിന്റെ തോക്കില്‍നിന്ന് അബദ്ധത്തില്‍ വെടിപൊട്ടുകയായിരുന്നുവെന്ന് പോലീസ് പറഞ്ഞു.
ലോക്‌സഭാ തിരഞ്ഞെടുപ്പിന്റെ ആറാം ഘട്ട വോട്ടെടുപ്പ് പുരോഗമിക്കുകയണ്. ഡല്‍ഹി അടക്കം ഏഴ് സംസ്ഥാനങ്ങളിലെ 59 മണ്ഡലങ്ങളിലാണ് തെരഞ്ഞെടുപ്പ്. കേന്ദ്രമന്ത്രി ഹര്‍ഷ് വര്‍ധന്‍, സമാജവാദി നേതാവ് അഖിലേഷ് യാദവ്, കോണ്‍ഗ്രസ് നേതാവ് ജ്യോതിരാദിത്യ സിന്ധ്യ എന്നിവരടക്കം നിരവധി പ്രമുഖരാണ് ഇന്ന് ജനവിധി തേടുന്നത്.
Post Your Comments