ന്യൂഡല്‍ഹി: പ്രധാനമന്ത്രി ആകാന്‍ തനിക്ക് ആഗ്രഹമില്ലെന്ന് വെളിപ്പെടുത്തി കേന്ദ്രമന്ത്രി നിതിന്‍ ഗഡ്കരി. പ്രധാനമന്ത്രി പദത്തിലേക്കുള്ള മത്സരത്തിനില്ല. താനൊരു കറുത്ത കുതിരയല്ലെന്നും പ്രധാനമന്ത്രി പദത്തിനെ കുറിച്ചുള്ള ആഗ്രഹമോ സ്വപ്നമോ തനിക്കില്ലെന്നും ഗഡ്കരി പറഞ്ഞു. എന്‍ഡിടിവിയുമായുള്ള അഭിമുഖത്തിലായിരുന്നു അദ്ദേഹത്തിന്‍റെ പ്രതികരണം.
എന്‍ഡിഎ ഇത്തവണ കേവല ഭൂരിപക്ഷം നേടുമെന്നും മോദി വീണ്ടും പ്രധാനമന്ത്രിയാവുമെന്ന് ആത്മവിശ്വാസമുണ്ടെന്നും ഗഡ്കരി പറഞ്ഞു. ഇത്തവണ തങ്ങള്‍ ബിജെപി സര്‍ക്കാരല്ല എന്‍ഡിഎ സര്‍ക്കാര്‍ ഉണ്ടാക്കുമെന്നും അദ്ദേഹം കൂട്ടിച്ചേര്‍ത്തു.
ഉത്തര്‍പ്രദേശില്‍ ബിജെപി മികച്ച പ്രകടനം കാഴ്ചവയ്ക്കും. ലോക്സഭയിലേക്ക് ഉത്തര്‍പ്രദേശ് പരമാവധി എംപിമാരെ സംഭാവന ചെയ്യുമെന്നും അദ്ദേഹം പറഞ്ഞു.
Post Your Comments