പൊലീസ് ജീപ്പിന് മുന്നില്‍ കളിക്കാന്‍ വന്നിരുന്ന കുഞ്ഞുങ്ങളും അവരെ നോക്കി നില്‍ക്കുന്ന പൊലീസുകാരന്റേയും ചിത്രങ്ങള്‍ വൈറലാകുന്നു. വിശപ്പിന്റെ വിളിയല്ലേ സാറേ..’ സോഷ്യല്‍മീഡിയയില്‍ വൈറലാകുന്ന ഈ ചിത്രത്തിന് ആരോ നല്‍കിയ തലക്കെട്ടാണിത്. കുട്ടികളുടെ കൈയിലിരിക്കുന്ന ഐസ്‌ക്രീം പൊലീസുകാരന് വാങ്ങിക്കൊടുത്തതാണെന്നാണ് സോഷ്യല്‍മീഡിയയില്‍ ചിലര്‍ അവകാശപ്പെടുന്നത്. നന്‍മ നിറഞ്ഞ പൊലീസുകാരനും ജീപ്പിന് മുന്നില്‍ കളിക്കാനെത്തിയ ഈ കുഞ്ഞുങ്ങളും മനസ് നിറയ്ക്കുന്ന കാഴ്ചയെന്നാണ് മറ്റുചിലരുടെ കമന്റ്. നന്‍മയുടെ ഈ പൊലീസുകാരന് ഏറെ അഭിനന്ദനങ്ങളാണ് ഇതിനോടകം ലഭിക്കുന്നത്. സോഷ്യല്‍മീഡിയകളില്‍ വൈറലായ ഈ ചിത്രം ഒട്ടേറെ പേരാണ് പങ്കുവച്ചിരിക്കുന്നത്. ഔദ്യോഗിക ആവശ്യങ്ങള്‍ക്കായി ജീപ്പ് പാര്‍ക്ക് ചെയ്ത് പോയ ശേഷം മടങ്ങി വരുമ്പോഴാണ് ജീപ്പിന് മുന്നില്‍ മൂന്നു കുഞ്ഞുങ്ങളെ കണ്ടത്. ഇതോടെ സമീപത്തെ കടയില്‍ നിന്നും മൂന്നുപേര്‍ക്കും ഇദ്ദേഹം ഐസ്‌ക്രീം വാങ്ങിക്കൊടുക്കുകയായിരുന്നുവെന്നാണ് വിവരം.
Post Your Comments