സംസ്ഥാനത്ത് സ്വര്‍ണവില ഉയരുന്നു

തിരുവനന്തപുരം: കേരളത്തില്‍ സ്വര്‍ണവില ഉയരുന്നു. ഗ്രാമിന് 10 രൂപയാണ് സ്വര്‍ണവിലയില്‍ ഇന്ന് ഉണ്ടായ വര്‍ധന. പവന് 80 രൂപ ഉയര്‍ന്ന് ഗ്രാമിന് 2,955 രൂപയാണ് ഇന്നത്തെ സ്വര്‍ണവില.

ഒരു പവന്‍ സ്വര്‍ണത്തിന് 23,640 രൂപയാണ് ഇന്നത്തെ വില. മെയ് മൂന്നിന് ഒരു ഗ്രാമിന് 2,935 രൂപയും പവന് 23,480 രൂപയുമായിരുന്നു നിരക്ക്. കഴിഞ്ഞ ആഴ്ചയിലെ ഏറ്റവും കുറഞ്ഞ നിരക്കായിരുന്നു ഇത്. ആഗോളവിപണിയിലും സ്വര്‍ണവില ഉയരുകയാണ്. ഒരു ട്രോയ് ഔണ്‍സ് സ്വര്‍ണത്തിന് (31.1 ഗ്രാം) 1,283 ഡോളറാണ് ഇന്നത്തെ നിരക്ക്. കഴിഞ്ഞ ആഴ്ച സ്വര്‍ണ്ണ വിലയില്‍ ഒരു ശതമാനം ഇടിവുണ്ടായി. വെള്ളി വില 2.3 ശതമാനം നഷ്ടത്തില്‍ അവസാനിച്ചു.