തിരുവല്ലയിൽ വൻ വ്യാജമ​ദ്യ വേട്ട

തിരുവല്ല: തിരുവല്ലയിൽ വൻ വ്യാജമ​ദ്യ വേട്ട, താലൂക്കിലെ വിവിധ സ്ഥലങ്ങളിൽ എക്‌സൈസ് ജില്ലാ സ്‌പെഷ്യൽ സ്‌ക്വാഡ് നടത്തിയ പരിശോധനയിൽ 69 ലിറ്റർ വ്യാജമദ്യം പിടികൂടി. കടപ്ര പഞ്ചായത്തിലെ തിക്കപ്പുഴയിൽ വ്യാഴാഴ്ച രാവിലെ 11-ന് കാറിൽ കടത്തി കൊണ്ടുവന്ന മദ്യമാണ് പിടികൂടിയത് .

വ്യാജമദ്യം പിടികൂടിയ സംഭവത്തിൽ കടപ്ര വില്ലേജിൽ വാലുപറമ്പിൽ താഴ്ച വീട്ടിൽ ജിജോയെ (35) അറസ്റ്റുചെയ്തു. ജിജോയ്ക്ക് വ്യാജമദ്യം നൽകിയ കായംകുളം സ്വദേശി ഉദീഷിനെയും കേസിൽ പ്രതിയാക്കി. ഉദീഷ് നിരവധി സ്പിരിറ്റ് കേസിലെ പ്രതിയാണ്.