രാ​ജ്യ​സു​ര​ക്ഷ​; ഹോട്ടലുകളിൽ സിസിടിവി കാമറ കർശനമാക്കണമെന്ന് നിർദേശം നൽകി പോലീസ്

ആ​ലു​വ: രാ​ജ്യ​സു​ര​ക്ഷയെ കരുതി ഹോട്ടലുകളിൽ അതീവ സുരക്ഷ. മുഴുവൻ ഹോ​ട്ട​ലു​ക​ളി​ൽ നി​ർ​ബ​ന്ധ​മാ​യും സി​സി​ടി​വി കാ​മ​റ ഘ​ടി​പ്പി​ക്ക​ണ​മെ​ന്നും അ​തി​ലെ ഡാ​റ്റ​ക​ൾ മൂ​ന്നു മാ​സം വ​രെ സൂ​ക്ഷി​ക്ക​ണ​മെ​ന്നും ജി​ല്ലാ പോ​ലീ​സ് മേ​ധാ​വി രാ​ഹു​ൽ ആ​ർ. നാ​യ​ർ പ​റ​ഞ്ഞു.

ശ്രീലങ്കൻ സംഭവത്തോടെ രാ​ജ്യ​സു​ര​ക്ഷ​യെ മു​ൻ​നി​ർ​ത്തി സു​ര​ക്ഷ മാ​ന​ദ​ണ്ഡ​ങ്ങ​ൾ ഉ​റ​പ്പു​വ​രു​ത്തു​ന്ന​തി​ന് എ​റ​ണാ​കു​ളം റൂ​റ​ൽ ജി​ല്ല​യി​ലെ വ​ൻ​കി​ട ഹോ​ട്ട​ൽ ന​ട​ത്തി​പ്പു​കാ​ർ​ക്കാ​യി എ​റ​ണാ​കു​ളം ജി​ല്ലാ പോ​ലീ​സ് ആ​സ്ഥാ​ന​ത്ത് സം​ഘ​ടി​പ്പി​ച്ച ക്ലാ​സ് ഉ​ദ്ഘാ​ട​നം ചെ​യ്തു പ്ര​സം​ഗി​ക്കു​ക​യാ​യി​രു​ന്നു അ​ദ്ദേ​ഹം.

എല്ലാ ഹോട്ടലുകളും താ​മ​സക്കാരുടെ തി​രി​ച്ച​റി​യ​ൽ രേ​ഖ​ക​ളു​ടെ കോ​പ്പി​ക​ൾ കൃത്യമായി സൂ​ക്ഷി​ക്ക​ണം. താ​മ​സി​ക്കു​ന്ന​വ​രു​ടെ ഫോ​ണ്‍ ന​ന്പ​റു​ക​ൾ അ​വ​രു​ടെ​ത​ന്നെ​യെ​ന്ന് ത​ത്സ​മ​യം ഉ​റ​പ്പു​വ​രു​ത്ത​ണം. വി​ദേ​ശി​ക​ൾ​ക്കാ​യു​ള്ള സി ​ഫോ​മി​ന്‍റെ കൃ​ത്യ​ത നി​ർ​ബ​ന്ധ​മാ​യും പാ​ലി​ക്ക​ണം. സം​ശ​യാ​സ്പ​ദ​മാ​യ എ​ന്തെ​ങ്കി​ലും കാ​ണ​പ്പെ​ടു​ക​യാ​ണെ​ങ്കി​ൽ ഉ​ട​ൻ പോ​ലീ​സി​ൽ അ​റി​യി​ക്ക​ണം.