കൊൽക്കത്ത: ഐപിഎൽ സീസണിലെ ഏഴാം വിജയം സ്വന്തമാക്കി ചെന്നൈ സൂപ്പർ കിങ്‌സ്. കൊല്‍ക്കത്ത നൈറ്റ് റൈഡേഴ്സിനെ അഞ്ചു വിക്കറ്റിനാണ് ചെന്നൈ പരാജയപ്പെട്ടുത്തിയത്. സുരേഷ് റെയ്ന (42 പന്തില്‍ 58) യുടെ അര്‍ധസെഞ്ചുറിയും ഇമ്രാന്‍ താഹിറിന്‍റെ ബൗളിംഗുമാണ് ചെന്നൈയ്ക്ക് വിജയത്തിലേക്കുള്ള ചവിട്ടുപടിയായത്. ആദ്യം ബാറ്റു ചെയ്ത കൊല്‍ക്കത്ത എട്ടു വിക്കറ്റ് നഷ്ടത്തില്‍ 161 റണ്‍സ് നേടി. മറുപടി ബാറ്റിംഗിനിറങ്ങിയ ചെന്നൈക്കു തുടര്‍ച്ചയായ ഇടവേളകളില്‍ വിക്കറ്റുകള്‍ നഷ്ടമായെങ്കിലും സുരേഷ് റെയ്ന ഉൾപ്പെടെയുള്ളവരുടെ സംഭാവനകൾ തുണയായി. റെയ്ന-ജഡേജ ആറാം വിക്കറ്റ് കൂട്ടുകെട്ട് 41 റണ്‍സ് അടിച്ചുകൂട്ടി.
Post Your Comments