കെ.എം മാണിയുടെ ഭൗതിക ശരീരം സ്വവസതിയിലെത്തിച്ചു

പാ​ലാ: അ​ന്ത​രി​ച്ച മു​ൻ​മ​ന്ത്രി​യും കേരള കോണ്‍ഗ്രസ് (എം) നേതാവുമായ കെ.എം മാണിയുടെ ഭൗ​തി​ക ശ​രീ​രം സ്വവസതിയായ പാ​ലാ​യി​ലെ ക​രി​ങ്ങോ​ഴ​ക്ക​ൽ വീ​ട്ടി​ൽ എ​ത്തി​ച്ചു. ഇന്നലെ രാവിലെ ആരംഭിച്ച വിലാപ യാത്ര 21 മ​ണി​ക്കൂ​റി​ന് ശേ​ഷ​മാ​ണ് പാ​ലാ​യി​ലെ​ത്തി​യ​ത്.ആയിരങ്ങളാണ് വിലാപയാത്ര കടന്നു പോയ ഓരോ പോയിന്റിലും തങ്ങളുടെ നേതാവിനെ ഒരുനോക്കു കാണാന്‍ എത്തിയത്.

വ്യാ​ഴാ​ഴ്ച പു​ല​ർ​ച്ചെ 12.30 -ഓ​ടെ​യാ​ണ് മൃ​ത​ദേ​ഹം തി​രു​ന​ക്ക​ര മൈ​താ​ന​ത്ത് പൊ​തു​ദ​ർ​ശ​ന​ത്തി​ന് വ​ച്ച​ത്. പി​ന്നീ​ട് കേ​ര​ള കോ​ൺ​ഗ്ര​സ് സം​സ്ഥാ​ന​ക​മ്മി​റ്റി ഓ​ഫീ​സി​ലും എ​ത്തി​ച്ചു. വ്യാ​ഴാ​ഴ്ച രാ​വി​ലെ ഏ​ഴോ​ടെ​യാ​ണ് മൃ​ത​ദേ​ഹം പാ​ലാ​യി​ലെ വ​സ​തി​യി​ലെ​ത്തി​ച്ച​ത്. “ഇല്ലാ ഇല്ല മരിക്കില്ല, കെ എം മാണി മരിക്കില്ല” എന്ന മുദ്രാവാക്യം വിളികളോടെയാണ് കെ എം മാണിയുടെ ഭൗതിക ശരീരത്തെ പ്രവർത്തകർ വീട്ടിലേക്ക് ഏറ്റുവാങ്ങിയത്.

ഉച്ചവരെ പാലയിൽ കരിങ്ങോഴക്കൽ വീട്ടിൽ കെ എം മാണിയുടെ പൊതുദർശനം നടക്കും. രണ്ട് മണി മുതല്‍ സംസ്കാര ശ്രുശൂഷകള്‍ ആരംഭിക്കും. വൈകിട്ട് മൂന്നിന് പാലാ കത്തീഡ്രൽ പള്ളിയിലാണ് സംസ്കാരം.