വാസ്തുവിദ്യാ ഗുരുകുലത്തില്‍ വിവിധ കോഴ്‌സുകള്‍ക്ക് അപേക്ഷിക്കാം

സംസ്ഥാന സാംസ്‌കാരിക വകുപ്പിന് കീഴിലുള്ള വാസ്തുവിദ്യാഗുരുകുലം തിരുവനന്തപുരത്തും പത്തനംതിട്ടയിലും തുടങ്ങുന്ന പ്രാദേശിക കേന്ദ്രങ്ങളില്‍ വിവിധ കോഴ്‌സുകളിലേക്ക് അപേക്ഷ ക്ഷണിച്ചു.

പോസ്റ്റ് ഗ്രാജുവേറ്റ് ഡിപ്ലോമ ഇന്‍ ട്രഡീഷണല്‍ ആര്‍ക്കിടെക്ചര്‍ കോഴ്‌സിലേക്ക് സിവില്‍ എന്‍ജിനീയര്‍, ആര്‍ക്കിടെക്ചര്‍ വിഷയങ്ങളില്‍ ബിരുദമാണ് യോഗ്യത. കോഴ്‌സ് ഫീസ് 50000 രൂപയും ജി.എസ്.ടി യും. ആകെ സീറ്റ് 25.

സര്‍ട്ടിഫിക്കറ്റ് കോഴ്‌സ് ഇന്‍ ട്രഡീഷണല്‍ ആര്‍ക്കിടെക്ചര്‍ കോഴ്‌സിലേക്ക് എസ്എസ്എല്‍സി യോഗ്യതയുള്ളവര്‍ക്ക് അപേക്ഷിക്കാം. കോഴ്‌സ് ഫീസ് 20000 രൂപയും ജി.എസ്.ടി യും. ആകെ സീറ്റ് 20. വിശ്വകര്‍മ വിഭാഗത്തിനായി 50 ശതമാനം സീറ്റ് സംവരണം ചെയ്തിട്ടുണ്ട്.

ഡിപ്ലോമ ഇന്‍ ട്രഡീഷണല്‍ ആര്‍ക്കിടെക്ചര്‍ കറസ്‌പോണ്ടന്‍സ് കോഴ്‌സിലേക്ക് അംഗീകൃത സര്‍വകലാശാല ബിരുദം അല്ലെങ്കില്‍ ത്രിവത്സര പോളിടെക്‌നിക്ക് ഡിപ്ലോമയാണ് യോഗ്യത. കോഴ്‌സ് ഫീസ് 25000 രൂപയും ജി.എസ്.ടി യും. ആകെ സീറ്റ് 100.

പാരമ്പര്യ വാസ്തുശാസ്ത്രത്തില്‍ ഹ്രസ്വകാല കോഴ്‌സിലേക്ക് ഐടിഐ സിവില്‍ ഡ്രാഫ്റ്റ്‌സ്മാന്‍, കെജിസിഇ സിവില്‍ എന്‍ജിനീയറിംഗ്, ഐടിഐ ആര്‍ക്കിടെക്ചറല്‍ അസിസ്റ്റന്‍സ്ഷിപ്പ് ആന്‍ഡ് ഡിപ്ലോമ ഇന്‍ സിവില്‍/ആര്‍ക്കിടെക്ചറാണ് യോഗ്യത. കോഴ്‌സ് ഫീസ് 25000 രൂപയും ജി.എസ്.ടി യും. ആകെ സീറ്റ് 30.

മ്യൂറല്‍ പെയിന്റിംഗ് സര്‍ട്ടിഫിക്കറ്റ് കോഴ്‌സിലേക്ക് എസ്എസ്എല്‍സിയാണ് യോഗ്യത. കോഴ്‌സ് ഫീസ് 25000 രൂപയും ജി.എസ്.ടി യും. ആകെ സീറ്റ് 25.

വനിതകള്‍ക്കുള്ള നാല് മാസ പരിശീലന പരിപാടിയായ മ്യൂറല്‍ പെയിന്റിംഗിന് എസ്എസ്എല്‍സിയാണ് യോഗ്യത. കോഴ്‌സ് ഫീസ് 15000 രൂപയും ജി.എസ്.ടി യും. ആകെ സീറ്റ് 40.

നാല് മാസ സര്‍ട്ടിഫിക്കറ്റ് കോഴ്‌സ് ഇന്‍ എപ്പിഗ്രാഫി (പുരാലിഖിത പഠനം) കോഴ്‌സിലേക്ക് മലയാളം, സംസ്‌കൃതം, തമിഴ്, ചരിത്രം, ഭാഷാശാസ്ത്രം, ആര്‍ക്കിയോളജി എന്നീ വിഷയങ്ങളിലുള്ള ബിരുദമോ അല്ലെങ്കില്‍ മറ്റേതെങ്കിലും വിഷയത്തില്‍ നേടിയിട്ടുള്ള ബിരുദവും ശിലാലിഖിതവിജ്ഞാനീയത്തിലോ പുരാതന ലിപി വിജ്ഞാനത്തിലോ ഉള്ള ഗവേഷണ പരിചയവുമാണ് യോഗ്യത. കോഴ്‌സ് ഫീസ് 15000 രൂപയും ജി.എസ്.ടി യും. ആകെ സീറ്റ് 40.

കൂടുതല്‍ വിവരം ആറന്മുള വാസ്തുവിദ്യാഗുരുകുലം ഓഫീസില്‍ ലഭിക്കും. ഫോണ്‍: 0468 2319740.