കൊച്ചി: സിവില്‍ സര്‍വീസ് പരീക്ഷയില്‍ ഉന്നതവിജയം നേടിയ ശ്രീധന്യയ്‌ക്കെതിരെ വംശീയാധിക്ഷേപം. ആദിവാസി വിഭാഗത്തില്‍ നിന്ന് പൊരുതി വിജയം നേടിയ ശ്രീധന്യയെക്കുറിച്ചുള്ള വാർത്തയ്ക്ക് താഴെയാണ് അജയ് കുമാര്‍ എന്ന പേരിലുള്ള പ്രൊഫൈലില്‍ നിന്നാണ് ‘ആദിവാസി കുരങ്ങ്’ എന്ന് ഇയാൾ ശ്രീധന്യയെ അധിക്ഷേപിച്ചിരിക്കുന്നത്. ഇയാളുടെ പ്രൊഫൈലില്‍ കൊച്ചി വിമാനത്താവളത്തിലെ ഇലക്‌ട്രിക്കല്‍ എന്‍ജിനീയറാണെന്നാണ് പറഞ്ഞിരിക്കുന്നത്.
എന്നാൽ ഇങ്ങനെയൊരു വ്യക്തി തങ്ങളുടെ സ്ഥാപനത്തില്‍ ജോലിചെയ്യുന്നില്ലെന്നു പറഞ്ഞ് ‘സിയാല്‍’ അധികൃതര്‍ തന്നെ രംഗത്ത് എത്തിയിരിക്കുകയാണ്. സിയാലിലെ ഇലക്‌ട്രിക്കല്‍ എന്‍ജിനീയറാണെന്ന പ്രചാരണം അടിസ്ഥാനരഹിതമാണ്. ശ്രീധന്യ സുരേഷിനെ സിയാലിലെ ജീവനക്കാരും മാനേജ്‌മെന്റും പ്രശംസിക്കുന്നതായും സിയാല്‍ പിആര്‍ഒ പിഎസ് ജയന്‍ അറിയിച്ചു.
Post Your Comments