മസ്കറ്റില്‍ മലപ്പുറം സ്വദേശി ഹൃദയാഘാതം മൂലം മരിച്ചു

മസ്കത്ത്: ഹൃദയാഘാതത്തെ തുടർന്ന് മലപ്പുറം സ്വദേശി മസ്കത്തില്‍ മരിച്ചു. രാങ്ങാട്ടൂർ  സ്വദേശി സൈതലവി (50) ആണ് മരിച്ചത്. തയിബ എന്ന ബേക്കറിയില്‍ ജോലി ചെയ്തിരുന്ന ഇദ്ദേഹത്തെ ദേഹാസ്വാസ്ഥ്യത്ത തുടര്‍ന്ന് ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.

ഖൈറുന്നീസയാണ് ഭാര്യ. അഞ്ച് മക്കളുണ്ട്. 15 വർഷം ജോലി ചെയ്ത് വിസ റദ്ദാക്കി നാട്ടിലേക്ക് തിരിച്ചിരുന്നെങ്കിലും വീണ്ടും 2 മാസം മുമ്പ് ജോലിയില്‍ തിരികെ പ്രവേശിപ്പിച്ചിരുന്നു.