കല്‍പറ്റ: വയനാട്ടില്‍ തലപ്പുഴ മക്കിമലയില്‍ മാവോയിസ്റ്റുകള്‍ എത്തിയെന്ന് സൂചന. രണ്ട് സ്ത്രീകളടക്കമുള്ള ആയുധധാരികളായ നാലംഗ മാവോയിസ്റ്റ് സംഘമാണ് ഇവിടെ എത്തിയത്. ഇന്നലെ രാത്രി 8 മണിയോടെ എത്തിയ സംഘം മുദ്രാവാക്യം വിളിച്ച് ലഘുലേഖകള്‍ വിതരണം ചെയ്തു. തുടര്‍ന്ന് പലചരക്ക് കടയില്‍ നിന്ന് ഇവര്‍ സാധനങ്ങളും വാങ്ങിച്ചതായും റിപ്പോര്‍ട്ടുണ്ട്.
വൈത്തിരിയിലുണ്ടായ പോലീസ് വെടിവെയ്പ്പില്‍ കൊല്ലപ്പെട്ട് മാവോയിസ്റ്റ് നേതാവ് സി പി ജലീലിന്റെ ചിത്രമടങ്ങിയ ലഘുലേഖകളാണ് ഇവര്‍ വിതരണം ചെയ്തത്. വയനാട്ടില്‍ രാഹുല്‍ ഗാന്ധി മല്‍സരിക്കുമെന്ന വാര്‍ത്തകള്‍ പുറത്തു വരുന്നതോടെ മാവോയിസ്റ്റുകള്‍ വീണ്ടുമെത്തിയെന്നത് അതീവ ഗൗരവത്തോടെയാണ് കാണുന്നതെന്ന് പോലീസ് പറഞ്ഞു. സംഭവത്തില്‍ പോലീസ് അന്വേഷണം ആരംഭിച്ചു.
Post Your Comments