മാഡ്രിഡ്: യൂറോ കപ്പ് യോഗ്യതാ റൗണ്ടില്‍ മുന്‍ ചാംപ്യന്മാരായ സ്പെയിന് രണ്ട് ഗോളിന്റെ ജയം. നോര്‍വേയെയാണ് സ്പെയിന് ഒന്നിനെതിരെ രണ്ട് ഗോളുകള്‍ക്ക് തകര്‍ത്തത്.
സ്‌പെയ്നിന്റെ റോഡ്രിഗോയുടെ ഗോളിലൂടെ പതിനാറാം മിനിറ്റില്‍ മുന്നിലെത്തി. എന്നാല്‍ 65ാം മിനിറ്റില്‍ ലഭിച്ച പെനാല്‍റ്റി ലക്ഷ്യത്തിലെത്തിച്ച് ജോഷ്വ കിങ് നോര്‍വേയെ ഒപ്പമെത്തിച്ചു. 71ാം മിനിറ്റില്‍ ലഭിച്ച പെനാല്‍റ്റി ലക്ഷ്യത്തിലെത്തിച്ച സെര്‍ജിയോ റാമോസ് സ്‌പെയിനെ വിജയത്തിലെത്തിച്ചു.
യൂറോ കപ്പിന്റെ മറ്റൊരു മത്സരത്തില്‍, സ്വീഡന്‍ ഒന്നിനെതിരെ രണ്ട് ഗോളുകള്‍ക്ക് റൊമാനിയയെ തോല്‍പ്പിച്ചു. കൂടാതെ ഇറ്റലി എതിരില്ലാത്ത രണ്ട് ഗോളുകള്‍ക്ക് ഫിന്‍ലന്‍ഡിനെ തോല്‍പ്പിച്ചു. ഏഴാം മിനിറ്റില്‍ ബാരെല്ലയും 74ാം മിനിറ്റില്‍ കീനും നേടിയ ഗോളുകളിലൂടെയായിരുന്നു ഇറ്റലിയുടെ ജയം.
Post Your Comments