ചെന്നൈ: തമിഴ്‌നാട്ടില്‍ നടന്‍ വിജയകാന്തിന്റെ ഡിഎംഡികെ നാല് സീറ്റുകളില്‍ മത്സരിക്കും. പനീര്‍സെല്‍വത്തിന്റെ നേതൃത്വത്തില്‍ അണ്ണാ ഡിഎംകെയുമായി നടത്തിയ ചര്‍ച്ചകള്‍ക്കൊടുവിലാണ് 4 സീറ്റുകളില്‍ മല്‍സരിക്കാന്‍ ധാരണയായത്. അണ്ണാ ഡിഎംകെ സഖ്യത്തിന്റെ ഭാഗമാണ് ഡിഎംഡികെ. ഡിഎംഡികെയ്‌ക്കൊപ്പം പിഎംകെ, പുതിയ തമിഴകം, ഇന്ത്യന്‍ ജനനായകക്ഷി പാര്‍ട്ടികളും തമിഴ്‌നാട്ടില്‍ അണ്ണാ ഡിഎംകെ- ബിജെപി സഖ്യത്തിന്റെ ഭാഗമായി ജനവിധി തേടും.
ഇത് മൂന്നാം തവണയാണ് തമിഴ്‌നാട്ടില്‍ ബി ജെ പി- അണ്ണാ ഡിഎംകെ സഖ്യം ലോക്‌സഭ തെരഞ്ഞെടുപ്പില്‍ വോട്ട് തേടുന്നത്. തമിഴ്‌നാട്ടിലെ 39 ലോക്‌സഭ മണ്ഡലങ്ങളില്‍ നാല് സീറ്റ് നല്‍കാന്‍ തയ്യാറായതോടെയാണ് സഖ്യ സാധ്യതയുടെ ചിത്രം പൂര്‍ണ്ണമായതെന്ന് പാര്‍ട്ടിയുമായി ബന്ധപ്പെട്ട വൃത്തങ്ങള്‍ അറിയിക്കുന്നു.
Post Your Comments