കരുവാരക്കുണ്ട്: മണലിയാംപാടം മലയില്‍ കൊമ്പനാനയെ വെടിവെച്ച് കൊമ്പുകള്‍ മുറിച്ചെടുത്ത സംഭവത്തില്‍ ഏഴ് പ്രതികള്‍ ഉള്‍പ്പെട്ടതായി സൂചന. ഇതില്‍ പൂളമണ്ണ മേലേതില്‍ വീട്ടില്‍ യാഫീര്‍ (ജസീര്‍ 35 ), പൂക്കോട്ടുംപാടം പാട്ടകരിമ്പ് കോളനിയിലെ ബിജുമോന്‍ (25 ) എന്നിവരെ നേരത്തേ തന്നെ ഫോറസ്റ്റ് അധികൃതരുടെ പിടിയിലായിരുന്നു.
യാഫീര്‍ നല്‍കിയ മൊഴിയുടെ അടിസ്ഥാനത്തില്‍ ഇനിയും അഞ്ച് പ്രതികളെ പിടികൂടാനുണ്ട് എന്നാണ് സൂചന. ഈ പ്രതികള്‍ക്കായുള്ള അന്വേഷണം ഊര്‍ജിതമാക്കിയതായി സൈലന്റ് വാലി ബഫര്‍ സോണ്‍ റെയ്ഞ്ച് ഓഫീസര്‍ നജ്മല്‍ അമീന്‍ പറഞ്ഞു.
പിടിയിലായ യാഫീര്‍ ആനക്കൊമ്പ് ചെമ്പ്രശ്ശേരിയിലുള്ള റാഫയിലിനെയാണ് ഏല്പിച്ചിട്ടുള്ളത്. റാഫയിലിനെ പിടികൂടിയതിനുശേഷമേ ആനക്കൊമ്പ് എന്ത് ചെയ്തു എന്നതിനെക്കുറിച്ച് അന്വേഷണം നടത്താനാവു.
Post Your Comments