പ്രീമിയര്‍ ലീഗില്‍ തുടര്‍ച്ചയായ രണ്ടാമത്തെ മത്സരത്തിലും ടോട്ടന്‍ഹാമിന് തോല്‍വി. ചെല്‍സിയാണ് ഇത്തവണ അടിയറവ് പറയിപ്പിച്ചത്. ആദ്യ പകുതി ഗോള്‍രഹിത നിലയില്‍ തുടരവെ രണ്ടാം പകുതിയിലാണ് വിജയക്കൊടിനാട്ടികൊണ്ട് ചെല്‍സിക്ക് രണ്ട്‌ഗോളുകള്‍ നേടാനായത്.കഴിഞ്ഞ ദിവസം ബേണ്‍ലിക്കെതിരായ മത്സരത്തിലും ടോട്ടന്‍ഹാം തോറ്റിരുന്നു. ജയത്തോടെ ചെല്‍സി ചാമ്ബ്യന്‍സ് ലീഗ് പ്രതീക്ഷ സജീവമാക്കി. മത്സരതുടക്കത്തില്‍ തന്നെ ചെല്‍സി ശക്തമായി മുന്നേറുന്നുണ്ടായിരുന്നു.
ആദ്യ പകുതി അവസാനിക്കുന്നതിന് മുന്‍പ് ടോട്ടന്‍ഹാം ഹാരി വിങ്ക്‌സിലൂടെ ഗോളിനടുത്ത് എത്തിയെങ്കിലും വിങ്ക്‌സിന്റെ ശ്രമം ചെല്‍സി ബാറില്‍ തട്ടി തെറിക്കുകയായിരുന്നു.രണ്ടാം പകുതി ആയതോടെ പെഡ്രോയുടെ ഗോളിലൂടെ ചെല്‍സി മുന്‍പിലെത്തി. ആല്‍ഡര്‍വൈല്‍ഡിനെയും ലോറിസിനെയും ശക്തമായി നേരിട്ടുകൊണ്ടാണ് പെഡ്രോ ഗോള്‍ നേടിയത്.തുടര്‍ന്നാണ് സെല്‍ഫ് ഗോളിലൂടെ ചെല്‍സി ലീഡ്ഉയര്‍ത്തിയത്.ചെല്‍സിക്ക് അടുത്ത പ്രീമിയര്‍ ലീഗ് മത്സരത്തിലെ എതിരാളികള്‍ ഫുള്‍ഹാം ആണ്.പ്രീമിയര്‍ ലീഗ് കിരീട പോരാട്ടത്തില്‍ ലിവര്‍പൂളിനും മാഞ്ചസ്റ്റര്‍ സിറ്റിക്കും കടുത്ത വെല്ലുവിളി ഉയര്‍ത്തുമെന്ന കരുതപ്പെട്ടിരുന്ന ടോട്ടന്‍ഹാമിന്റെ തോല്‍വി അവര്‍ക്ക് കനത്ത തിരിച്ചടിയാണ്.
Post Your Comments