നിയുക്തി ജോബ് ഫെയർ

നാഷണൽ എംപ്ലോയ്‌മെന്റ് സർവ്വീസ് വകുപ്പ് വഴുതയ്ക്കാട് ഗവ.വിമൻസ് കോളേജിൽ നടത്തുന്ന നിയുക്തി ജോബ് ഫെയർ മേയർ വി.കെ.പ്രശാന്ത് ഇന്ന് (ഫെബ്രുവരി 23) രാവിലെ 10ന് ഉദ്ഘാടനം ചെയ്യും. 130-ഓളം കമ്പനികളിലെ 7321 ഒഴിവുകളിലേക്കാണ് തൊഴിൽമേള സംഘടിപ്പിക്കുന്നത്.

എസ്.എസ്.എൽ.സിയോ അതിനുമുകളിലോ യോഗ്യതയുളളവർക്ക് പങ്കെടുക്കാം. ഓൺലൈനായി രജിസ്റ്റർ ചെയ്ത ഉദ്യോഗാർത്ഥികൾ രാവിലെ 9 മണിക്ക് ഗവ. വിമൻസ് കോളേജിൽ എത്തണം. രജിസ്റ്റർ ചെയ്തിട്ടില്ലാത്തവർക്ക് സ്‌പോട്ട് രജിസ്‌ട്രേഷൻ സൗകര്യം ഉണ്ടായിരിക്കും. വിശദവിവരങ്ങൾക്ക് www.jobfest.kerala.gov.in