തിരുവനന്തപുരം: പൊലീസ് ആസ്ഥാനത്ത് ഇനി മുതൽ സന്ദർശകരെ സ്വീകരിക്കുന്നത് റോബോട്ട്. വൈകിട്ട് 6.30 ന് പൊലീസ് ആസ്ഥാനത്ത് മുഖ്യമന്ത്രി പിണറായി വിജയന്‍ റോബോട്ട് ഉദ്‌ഘാടനം ചെയ്യും. ഇന്ത്യയില്‍ ആദ്യമായും ലോകത്ത് നാലാമതുമായാണ് ഈ പദ്ധതി നടപ്പിലാക്കുന്നത്. ഡിജിപിയെ കാണാനെത്തുന്നവര്‍ക്ക് വേണ്ട നിര്‍ദേശങ്ങള്‍ നല്‍കാനും അവരുടെ വിവരം ചോദിച്ചറിയാനും ഈ റോബോട്ടിന് കഴിയും. മനുഷ്യനേക്കാള്‍ കൃത്യതയാര്‍ന്ന സേവനം നല്‍കാന്‍ റോബോട്ടിന് സാധിക്കുമെന്നാണ് പ്രതീക്ഷ. മുന്‍കൂട്ടി ഇന്‍സ്റ്റാള്‍ചെയ്ത വിവരത്തിന്റെ അടിസ്ഥാനത്തില്‍ സന്ദര്‍ശകര്‍ക്ക് ക്രിമിനല്‍ പശ്ചാത്തലമുണ്ടോയെന്ന് മനസ്സിലാക്കാനും ഒരു തവണയെത്തിയവരെ ഓര്‍ത്തുവയ്ക്കാനും ഈ റോബോട്ടിന് കഴിയും.
Post Your Comments