തിരുവനന്തപുരം: ആരാധകര്‍ ഏറെ പ്രതീക്ഷയോടെ കാത്തിരുന്ന വാര്‍ത്തയാണ് മലയാള സിനിമ ലോകത്തു നിന്നും പുറത്തു വരുന്നത്. അപകടത്തെ തുടര്‍ന്ന് ശരീരം തളര്‍ന്നു പോകുകയും പിന്നീട് ജീവിതത്തിലേയ്ക്ക് തിരിച്ചെത്തുകയും ചെയ്ത മലയാളത്തിന്റെ ഹാസ്യസാമ്രാട്ട് ജഗതി ശ്രീകുമാര്‍ വീണ്ടും അഭിനയരംഗത്തേക്ക് തിരിച്ചു വരുന്നു. ഏഴു വര്‍ഷത്തെ ഇടവേളയ്ക്കു ശേഷമാണ് അദ്ദേഹം അഭിനയ ലോകത്തേയ്ക്ക് തിരിച്ചെത്തുന്നത്. തൃശ്ശൂരിലെ വാട്ടര്‍ തീം പാര്‍ക്കിന്റെ പരസ്യചിത്രത്തിലൂടെയാണ് ജഗതിയുടെ തിരിച്ചുവരവ്.
ജഗതി ശ്രീകുമാര്‍ എന്റര്‍ടെയിന്‍മെന്റ്സ് തന്നെയാണ് പരസ്യചിത്രം നിര്‍മ്മിക്കുന്നത്. അതേസമയം ജഗതിയെ വീണ്ടും അഭിനയ രംഗത്തേയ്ക്ക് തിരിച്ചു കൊണ്ടു വരുന്നതോടെ അദ്ദേഹത്തിന്റെ ആരോഗ്യ നിലയില്‍ വലിയ മാറ്റമുണാടകുമെന്ന ഡോക്ടര്‍മാര്‍ നിര്‍ദ്ദേശിച്ചിരുന്നു. ഇതിനെ തുടര്‍ന്നാണ്് ജഗതി വീണ്ടും അഭിനയരംഗത്തേക്കെത്തുന്നത്. അടുത്ത വര്‍ഷത്തോടെ സിനിമയിലും സജീവമാകുമെന്നും റിപ്പോര്‍ട്ടുകള്‍ പറയുന്നു.
2012 മാര്‍ച്ചില്‍ നടന്ന വാഹനാപകടത്തെ തുടര്‍ന്ന് വര്‍ഷങ്ങളായി ചികിത്സയിലായിരുന്നു ഝഗതി അടുത്തിടെയാണ് പൊതു പരിപാടികളില്‍ എത്തി തുടങ്ങിയത്.
Post Your Comments