പുൽവാമ ആക്രമണം; ചാവേറിനെക്കുറിച്ചുള്ള വിവരങ്ങൾ പുറത്ത്

ന്യൂഡല്‍ഹി: 44 സൈനികര്‍ കൊല്ലപ്പെടാനിടയായ കശ്മീര്‍ പുല്‍വാമയിലെ ശ്രീനഗര്‍ ജമ്മു ദേശീയപാതയിലുണ്ടായ ആക്രമണത്തിൽ ചാവേറിനെക്കുറിച്ചുള്ള വിവരങ്ങൾ പുറത്ത്. ചാവേർ ചുമന്ന കാറിലായിരുന്നു എത്തിയതെന്ന് മൊഴി. ചുവന്ന മാരുതി ഇക്കോ കാറായിരുന്നു. ഇക്കോ കാറിന്റെ ബമ്പർ ഫോറൻസിക് വിദഗ്ദ്ധർ കണ്ടെത്തിയിരുന്നു.

ആദിൽ ധർ കാറിൽ വരുന്നത് കണ്ടെന്ന് സിആർപി എഫ് ജവാൻമാർ പറഞ്ഞു. ജവാൻമാരുടെ വാഹന വ്യൂഹത്തിലെ 4 ,2 ബസുകളിൽ ഉണ്ടായിരുന്നവരാണ് മൊഴി നൽകിയത്.

അതേസമയം പുല്‍വാമ ആക്രമണത്തിൽ പാകിസ്ഥാന് മുന്നറിയിപ്പുമായി ഇറാൻ രംഗത്തെത്തി . ഇറാൻ സൈനികൾ കൊല്ലപ്പെട്ടതിന് പിന്നിൽ പാകിസ്ഥാനാണെന്ന് ആരോപണം .കനത്ത വില നൽകേണ്ടിവരുമെന്നും ഇറാൻ പാകിസ്ഥാന് താക്കീത് നൽകി. കഴിഞ്ഞ ബുധനാഴ്ചയാണ് ഇറാനിലെ 27 സൈനികർ കൊല്ലപ്പെട്ടത്.