നായ മനുഷ്യനെ കടിക്കുന്നതില്ല മനുഷ്യന്‍ നായയെ കടിക്കുന്നതാണ് വാര്‍ത്തയെന്നാണ് മാധ്യപ്രവര്‍ത്തനത്തിന്റെ ആദ്യപാഠം.. എന്നാല്‍ മനുഷ്യന്‍ മനുഷ്യനെ തന്നെ കടിച്ചാലോ..അത്തരത്തിലൊരു സംഭവമാണ് മധ്യപ്രദേശില്‍ നടന്നത്.
നായയെ ക്രൂരമായി മര്‍ദിക്കുന്നതു കണ്ടു ഇടപെട്ടയാള്‍ക്കാണ് മറ്റൊരാളുടെ കടിയേല്‍ക്കേണ്ടി വന്നത്. മധ്യപ്രദേശിലെ സഞ്ജയ് നഗറില്‍ തിങ്കളാഴ്ച രാത്രിയായിരുന്നു സംഭവം. നായയെ ക്രൂരമായി പൈപ്പുകൊണ്ട് അടിക്കുന്നതുകണ്ട് തടഞ്ഞ രവി ചൗഹാന്‍ എന്നയാള്‍ക്കാണ് കടിയേറ്റത്. സംഭവത്തില്‍ ബാബ്ബി എന്നാള്‍ക്കെതിരെ സെക്ഷന്‍ 324 പ്രകാരം കേസെടുത്തതായി രാജേന്ദ്ര നഗര്‍ ഇന്‍സ്‌പെക്ടര്‍ സുനില്‍ വര്‍മ അറിയിച്ചു.
നായയെ ആക്രമിക്കുന്നത് തടഞ്ഞതില്‍ പ്രകോപിതനായിട്ടാണ് ബാബ്ബി ചൗഹാനെ ആക്രമിച്ചത്. ഇതിനിടെ തന്നെച്ചൊല്ലിയുള്ള തര്‍ക്കമൊന്നും കണ്ടുനില്‍ക്കാനോ മധ്യസ്ഥനെ രക്ഷിക്കാനോ ശ്രമിക്കാതെ നായ ജീവനുംകൊണ്ട് രക്ഷപ്പെട്ടിരുന്നു.
Post Your Comments