കാട്ടാക്കട: : ചായ്ക്കുളം ആദിത്യപുരം ഭൂതത്താന്‍ദേവി ക്ഷേത്രത്തിനു സമീപം പൂക്കളുടെ കയറ്റുമതി നടത്തുന്ന സ്ഥാപനത്തിന്റെ ഗോഡൗണ്‍ കത്തിനശിച്ചു.
ശനിയാഴ്ച ഉച്ചയ്ക്ക് ഒന്നരയോടെയാണ് തീ പടര്‍ന്നത്. നെയ്യാര്‍ഡാം, കാട്ടാക്കട അഗ്‌നിരക്ഷാസേനയുടെ മൂന്ന് യൂണിറ്റുകളെത്തി. മൂന്ന് മണിക്കൂറിലേറെയെടുത്താണ് തീ കെടുത്തിയത്.
പ്രധാന റോഡില്‍നിന്നും മാറി ഇടുങ്ങിയ വഴിയുള്ള സ്ഥലത്താണ് ഗോഡൗണ്‍. അഗ്‌നിരക്ഷാസേന വളരെ പണിപ്പെട്ടാണ് സ്ഥലത്തെത്തിയത്. അപ്പോഴേക്കും തീ ആളിപ്പടര്‍ന്നിരുന്നു. ഓര്‍ക്കിഡ്, ആന്തൂറിയം തുടങ്ങിയ പൂക്കള്‍ സംസ്‌കരിച്ച് വിദേശത്തേക്ക് കയറ്റി അയക്കാനായി സൂക്ഷിച്ചിരിക്കുകയായിരുന്ന ഗോഡൗണില്‍ ആളില്ലായിരുന്നു. ഷോര്‍ട്ട് സര്‍ക്യൂട്ടാകാം തീപ്പിടിത്തത്തിനു കാരണമായതെന്നാണ് വിലയിരുത്തല്‍.
Post Your Comments