ആലപ്പുഴ: ആലപ്പുഴയില്‍ റോഡരുകില്‍ നിര്‍ത്തിയിട്ടിരുന്ന ഇരുപതോളം വാഹനങ്ങള്‍ രാത്രിയില്‍ അടിച്ചു തകര്‍ത്തതായി പരാതി. തീരദേശ പാതയില്‍ വാടയ്ക്കല്‍ മുതല്‍ മാളിക മുക്ക് വരെയുള്ള റോഡരികില്‍ നിര്‍ത്തിയിട്ടിരുന്ന വാഹനങ്ങളാണ് നശിപ്പിച്ചത്.
രാത്രി ഒന്നരയ്ക്ക് ശേഷം പിക്കപ്പ് വാനിലെത്തിയ സംഘം വാഹനങ്ങള്‍ അടിച്ചു തകര്‍ക്കുകയായിരുന്നുവെന്ന് പ്രദേശത്ത് സ്ഥാപിച്ചിരുന്ന ക്യാമറാദൃശ്യങ്ങളില്‍ നിന്ന് വ്യക്തമായി. എന്നാല്‍ പിക്കപ്പ് വാനിന്റെ ലൈറ്റ് ഓഫ് ചെയ്തതിനാലും പ്രദേശത്ത് ഇരുട്ടായിരുന്നതിനാലും ദൃശ്യങ്ങള്‍ അവ്യക്തമാണ്. സാമൂഹ്യവിരുദ്ധരാണ് സംഭവത്തിന് പിന്നിലെന്നാണ് പ്രാഥമിക നിഗമനം. പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. റോഡരികില്‍ നിര്‍ത്തിയിട്ടിരുന്ന ഓട്ടോകളും ട്രാവലറും കാറുകളുമാണ് നശിപ്പിച്ചത്.
Post Your Comments